Genesis 36:8 - Manobo Western Bukidnon OT

⁸ Umbe, si Esau (he egngenazan daan ki Edom) diyà med-ubpà te menge vuvungan he Seir.

Genesis 36:8 교차 참조

Genesis 14:6

wey is menge Hurhanen diyà te menge vuvungan he Seir taman te inged he El Paran he ziyà te uvey te tanà he sibsivayan.

Genesis 25:30

Ne migkeǥiyan din si Jacob te, “Beǥayi e en kun, ipekaan ad keniyan te sinuba nu he meriǥàriǥà su utew ad egkevitil.” (Ne tenged dutun, egngezanan daan si Esau ki Edom, he ke và dà egkeǥiya, “Meriǥà”.)

Genesis 32:3

Ne zuen menge midsuǥù ni Jacob he impehuna zin diyà te ki Esau ziyà te tanà he Seir, kes lugar he egngezanan daan he Edom.

Genesis 32:4

Mibpenurù din sikandan ke hengkey is egkeǥiyen dan diyà te ki Esau. Migkaǥi si Jacob te, “Keǥiyi niw si Esau te ziyà a med-ubpà te ki Laban ne wazè e pa ganì mekeulì taman guntaan.

Genesis 36:1

Iyan heini guǥud mehitenged te pemilya ni Esau (he egngenazan daan te Edom).

Genesis 36:9

Iyan heini guǥud mehitenged te pemilya ni Esau he iyan kepuun te menge Edomanhen he meǥinged diyà te menge vuvungan he Seir.

1 Cronica 4:42

Is 500 kandan ne iyan midsurung diyà te menge vuvungan te Seir. Iyan egalen dan si Pelatia, Nearia, Refaya, wey si Uziel he menge anak ni Ishi.

2 Cronica 20:10

“Ne ǥuntaan edsurungen key te menge etew he ebpuun te Ammon, Moab, wey Buntud he Seir. Dengan ne wazè nu ituǥut haazà is ubpeey zan he edsekupen te menge Israilihanen hein nekeǥawas dan diyà te Ehipto. Midlevayan dà heini te menge Israilihanen ne wazè dan sikandan penhimetayi.

2 Cronica 20:23

Midsurung te menge Amonihanen wey menge Moabitanhen is menge sundaru ziyà te menge tig-Buntud he Seir ne nengepatey zan langun. Ne hein nengepatey zan en sikandan, ne mid-uuney zan mebpehimhimetayà.

Jeremias 40:11

Nezineg daan te menge Judio he nemelaǥuy ziyà te Moab, Ammon, Edom, wey zuma pa he menge nasyun he intuǥut ni Hadì Nebucadnezar he zuen egketaǥak he menge etew ziyà te Juda ne iyan midhimu si Gedalia he anak ni Ahikam wey apù ni Shafan he pengulu kayi he menge etew.

Obadias 1:1

Iyan heini migkaǥi te Nengazen he MEGBEVAYÀ mehitenged te nasyun he Edom, he impezayag din diyà te ki Obadias. Sikitew is menge Israilihanen, nezineg tew is tudtul he ebpuun te Nengazen he zuen menge menunudtulà he midsuǥù din pehendiyà te menge nasyun su wey zan mehinggat heini he menge nasyun te kebpekidtebek te nasyun he Edom.

Obadias 1:3

Migkaǥi kew te wazà ebpekehimu he edsurung keniyu su geina te ziyè kew med-ubpà te vetuwen wey metikang he lugar. Piru heeyan is hambug niw iyan paaǥi te kedlimbungi niw te keugelingen niw.

Malakias 1:3

piru si Esau mulà wazà. Midezeetan ku is menge vuvungan din, umbe nehimu en heini he ubpeey te menge leew he asu.

Deuteronomio 2:22

Ne iring ded keniyan is paaǥi te Nengazen te kedtavang te menge kevuwazan ni Esau he menge meǥinged diyà te Seir. Su mibpengelinteuwan gihapun te Nengazen he mezaag dan is menge Hurhanen. Ne midsegseg dan is menge Hurhanen ne iyan sikandan mid-ilis med-ubpà dutun he tanà taman en guntaan.

Deuteronomio 2:4

Keǥiyi nu is menge etew te, “Ebpekevayè kew ziyà te tanà te menge kezuzumahi niw he menge kevuwazan ni Esau, he ziyà ebpemen-ubpà te Seir. Egkahandek sikandan keniyu, piru mebpekevantey kew kandan,

Deuteronomio 2:5

ne kenè niw sikandan surunga. Su ibeǥey ku kandan is menge vuvungan diyà te Seir he kandan he tanà, ne kenè ku sikiyu ebeǥayan te minsan deisey zutun te tanè dan.

Josue 24:4

ne si Isaac ne iyan amey ni Esau wey ni Jacob. Imbeǥey ku ki Esau is buvungan te Seir he kandin he vahin, piru is kepuun niw he si Jacob wey is menge anak din ne midhendiyà te Ehipto.

1 Samuel 14:47

Hein kedhadì ni Saul te Israel, mibpekidtebek sikandin te nekelingut kandin he menge kuntada zin. Iyan heini menge kuntada zin: is menge tig-Moab, menge tig-Ammon, menge tig-Edom, is menge hadì diyà te Zoba, wey is menge tig-Filistia. Is minsan hentei he kuntada zin ne egkezaag din.