Genesis 36:6 - Manobo Western Bukidnon OT

⁶ Miduma ni Esau is menge esawa zin, menge anak din, wey is langun he sakup te pemilya zin, wey mid-uwit din is menge azen din wey menge uyaǥen din he nekuwa zin diyà te Canaan, ne midhalin sikandin te sevaha he lugar, he meziyù te mid-ubpaan te suled din he si Jacob.

Genesis 36:6 교차 참조

Genesis 13:11

Ne zutun mibpilì ni Lot haazà is tivuuk he Suǥud te Jordan ne midhipanew en sikandin dutun pehendiyà te zapit te edsilaan. Ne iyan haazà kebpesuwayè dan ki Abram.

Genesis 13:6

Ne tenged kayi kenà ereg is tanà he egkepenebtavan te langun he menge ayam dan ki Abram. Ne tenged te utew mezakel is menge sakup dan wey menge ayam dan, kenè en egkehimu he ebpeemurè dan dutun te tanà he ed-ubpaan dan.

Genesis 17:8

Ne is tivuuk kayi he tanà te Canaan he mid-ubpaan nu ǥuntaan te lumelengyawà, ibeǥey ku heini kenikew wey ziyà te menge kevuwazan nu. Egkeangken niw heini te taman te taman, ne pedayun he iyan a Megbevayè niw.”

Genesis 25:23

“Iyan heeyan ebpuunan is dezuwa he vatà he keniyan te getek nu te zezuwa he nasyun. Ne heini is dezuwa he grupu te menge etew ne ebpekuntedehey. Mezesen haazà is sevaha kenà haazà is duma zin. Is kakey egkehimu he suluǥuen te hazi zin.”

Genesis 28:4

Berakat he iveǥey zin kenikew wey te kevuwazan nu is tuvad he imbeǥey zin diyà te apù nu he si Abraham, su wey mehimu heini he kenikew he tanà is neubpaan nu ǥuntaan te sevaha he lumelengyawà. Heini he tanà ne imbeǥey te Megbevayà diyà te ki Abraham.”

Genesis 32:3

Ne zuen menge midsuǥù ni Jacob he impehuna zin diyà te ki Esau ziyà te tanà he Seir, kes lugar he egngezanan daan he Edom.

Genesis 36:5

Ne is menge anak din diyà te ki Oholibama ne iyan si Jeush, Jalam, wey Kora. Iyan sikandan menge anak ni Esau he neetew ziyà te Canaan.

Ezekiel 27:13

Mibpetiǥayun daan diyà te kenikew is Grecia, Tubal, wey Meshec. Midliwaan dan is menge velegyè nu te menge uripen wey menge brunsi he mibeelan he menge gelemiten.