9 Ne zutun te timpu he nekeulì ensi Jacob he ebpuun te Padan Aram, mid-uman en maan mebpaahà is Megbevayà diyà te kandin, ne mibpenubtuvazan din si Jacob.
Ne mibpaahà is Nengazen ki Abram ne ke sikandin te, “Heini is tanà, ne ibeǥey ku ziyà te menge kevuwazan nu.” Ne zutun mibaal si Abram te pemuhatà su ebpemuhaten din is Nengazen he iyan mibpaahà kandin.
Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.
Ne mid-uman mebpaahà is Nengazen ki Abraham diyà te uvey te menge kayu he ulayan ni Mamre. Hein ebmeudtu zutun is andew, ebpimpinuu si Abraham diyà te ǥemawan te tulda zin.
Menge 40 en is penuiǥen ni Isaac dutun te kebpekeesawa zin ki Rebeka he anak ni Betuel he Aramihanen he tig-Padan Aram. Etevey si Rebeka ni Laban he Aramihanen daan.
Ne ziyà te zivavew zutun te heǥezan, neehè din is Nengazen he edhithitindeg ne migkaǥi sikandin te, “Iyan a sikan is Nengazen, is Megbevayà ni Abraham wey ni Isaac. Ibeǥey ku kenikew wey te menge kevuwazan nu heini he tanà is midhizeǥaan nu.
Ne zutun migkaǥi is Megbevayà diyà te ki Jacob te, “Penines ka ne halin ka ziyà te Betel ne ziyè ka ubpà. Ne vaal ka ziyà te pemuhatà para kediey, kes Megbevayà he mibpaahà kenikew zengan dutun te timpu he ebpeleǥuyan nu is kakey nu he si Esau.”
Dengan mibpaahà is Nengazen te menge Israilihanen he migkaǥi te, “Mahal ku sikiyu te wazà pidtemanan he kebmahal. Tenged te keupiya ku, impeuvey ku sikiyu kayi te kedì.
iring te kebpekibuteng din te velinsuǥuen, ne nekezaag sikandin. Midsineǥew sikandin hein ebuyù te penuvadtuvad dutun te velinsuǥuen. Neehè din is Megbevayà diyà te Betel, ne zutun nekidlalag kandin is Megbevayà.
