Genesis 35:8 - Manobo Western Bukidnon OT

⁸ Ne zutun, minatey si Debora he mid-uyamu zengan ki Rebeka. Ne ziyà ileveng sikandin te sihung te kayu he ulayan he ziyà te alug te Betel. Egngezanan haazà he kayu he Alon Bacut, he ke và egkeǥiya, “kayu he midsineǥawan.”

Genesis 35:8 교차 참조

Genesis 24:59

Umbe, impezuma zan si Rebeka wey is meritan he ed-elima kandin diyà te suluǥuen ni Abraham wey zuen te menge zuma zin.

1 Cronica 10:12

Umbe, migenat is langun he menge beǥani kandan ne migkuwa zan is lawa ni Saul wey is menge anak din, ne mid-uwit dan heini ziyà te Jabesh. Ne inleveng dan haazà is menge minatey ziyà te zizalem te zekelà he kayu ziyà te Jabesh, ne mibpuasa zan seled te pitu he andew.

Zatù 2:1

Midhendiyà is belinsuǥuen te Nengazen te Bokim he ebpuun te Gilgal. Ne migkeǥiyan din is menge Israilihanen te, “Impeǥawas ku sikiyu puun te Ehipto, ne mid-uwit ku sikiyu kayi he tanà te impenaad ku ziyà te menge kepuun niw. Ne migkaǥi a zengan he kenè ku edèdeetan is kebpekid-uyun ku keniyu.

Zatù 2:5

Umbe, migngezanan dan haazà is lugar te Bokim. Ne mibpemuhat dan is Nengazen dutun.

Zatù 4:5

Emun ebpehusey is menge Israilihanen te samuk dan diyà te ki Debora, edhendiyè dan te sihung te Palma ni Debora, ziyà te pid-elangan te Rama wey Betel he ziyà te vuvungan te Efraim.

1 Samuel 10:3

Migkaǥi si Samuel te, “Emun ebpekeuma ka ziyà te kayu he ulayan diyà te Tabor, duen tetelu he etew he igkedsinuǥung nu he ebpehendiyà te Betel su ed-azap te Megbevayà. Is sevaha kandan ne ed-uwit te tetelu he nati te kambing, ne is ikezuwa ne ed-uwit te tetelu he supas, ne is iketelu ne ed-uwit te vinu he ziyà itaǥù te lundis he teleǥuey.

1 Samuel 31:13

Ne migkuwa zan is menge tulan ne inleveng dan diyà te dizalem te kayu he tamarisko ziyà te Jabesh, ne mibpuasa zan seled te pitu he andew.