Genesis 35:5 - Manobo Western Bukidnon OT

⁵ Ne hein migenat en dutun ensi Jacob, mibpengelinteuwan te Megbevayà he mahandek is menge meǥinged te menge siringan dan he inged, umbe wazè dan mezal-as ensi Jacob.

Genesis 35:5 교차 참조

Genesis 34:30

Ne migkeǥiyan ni Jacob si Simeon wey si Levi te, “Mibeǥayan a keniyu te utew zekelà he samuk. Edumutan kiw en te menge Canaanhen wey menge Pirisihanen he menge meǥinged kayi te tanà. Mezakel zan, kenè kiw, ne emun ebpetebtevangè dan ne edsurungen kiw zan, egkaamin kiw zan te edhimatey.”

Genesis 35:4

Ne haazà is menge ed-ezapen dan wey menge eritis, imbeǥey zan ki Jacob ne inleveng din diyà te sihung te kayu he ulayan diyà te uvey te Shekem.

2 Cronica 14:13

Ne midal-as dan ni Asa wey te menge sundaru zin taman te Gerar. Utew mezakel is nemematey kandan, ne tenged dutun kenè dan en ebpekepekidtebek. Su midaag sikandan te Nengazen wey te menge sundaru zin. Utew zekelà he menge azen is nengaaǥew te menge sundaru te Juda.

2 Cronica 14:14

Ne midezeetan dan is menge inged he nekelingut te Gerar, su mibpelihandek te Nengazen is menge meǥinged dutun. Mibpenguwa zan is menge azen kayi su utew zekelà is menge azen dan.

2 Cronica 17:10

Mibpelihandek te Nengazen is langun he menge ginhedian he nekelingut te Juda, umbe wazè dan mebpekidtebek ki Jehoshafat.

Salmo 105:14

Piru wazà medtuǥut is Megbevayà he edèdaaǥen sikandan. Para mepengelangi sikandan, midawey zin is menge hadì he ebpekigkuntada kandan. Migkaǥi sikandin te,

Salmo 14:5

Piru egkengeheratan sikandan, su edlevanan te Megbevayà is menge metazeng.

Exodus 23:27

“Epelihendeken ku wey edliveǥen ku is menge kuntada niw he zutun te egkesineruwan niw ne ebpemekepelaǥuy zan.

Exodus 34:24

Edsegseǥen ku is menge etew puun te tanà he ibeǥey ku keniyu, ne ebpekeluaǥen ku is tanè niw. Wazà edsurung etawa ed-aǥew te nasyun niw zutun te timpu te kedhengkayi niw te kediey te Nengazen he Megbevayè niw, pinaaǥi te kedtampu niw zutun te tetelu he pista kada tuig.

Deuteronomio 11:25

Wazà ebpekeeǥen keniyu. Su iyan impenaad te Nengazen he Megbevayè niw he ebpengelinteuwan din he mahandek keniyu is menge etew ziyà te minsan hendei he egkepeveyaan niw zutun he tanà.

Deuteronomio 2:25

Puun guntaan ebpengelinteuwan ku he mahandek keniyu is menge etew ziyà te langun he menge nasyun kayi te tivuuk he kelibutan. Ebpengerkeren te kegkahandek is ebpekezineg mehitenged keniyu.’

Josue 5:1

Netudtulan is langun he menge hadì he menge Amorihanen he ziyà te zapit te edsenlepan te Jordan wey is langun he menge hadì he menge Canaanhen he ziyà te veyvey te Mediteraneo ke mibmenumenu te Nengazen is kebpemezahi zin te Wahig he Jordan hein midlayun is menge Israilihanen. Umbe nengahandek sikandan ne naawà is kevurut dan te kebpekidtebek te menge Israilihanen.

1 Samuel 11:7

Migkuwa sikandin te dezuwa he vaka ne mibpenggetad din. Ne impeuwit din dutun te menge menunudtulà, ne midsuǥù din sikandan he ibpehendiyà te tivuuk he tanà te Israel he ebpenudtul te menge etew, “Iyan heini egkeulaula te vaka te etew he kenà eduma ki Saul wey ki Samuel te kebpekidtebek.” Ne zutun intaǥù te Nengazen diyà te gehinawa te menge Israilihanen is kegkehendeki zan ki Saul, umbe nesevaha zan is eduma ki Samuel wey ki Saul.

1 Samuel 14:15

Utew nengahandek is menge Filistihanen sikan is dutun te kampu, diyà te vevesukà, diyà te bentayà, wey minsan sikan is nenurung. Ne zutun midlinug, ne utew zan dutun nengahandek.