Ne hein nekeuma zan diyà te Canaan midlaus pa ensi Abram taman te zekelà he kayu he More he ziyà te inged he Shekem. (Ne zutun he timpu iyan meǥinged dutun is menge kevuwazan ni Canaan.)
Ne edhendiyè kiw te Betel; ne ebaal a zutun te pemuhatà ne ed-ezapen ku is Megbevayà he midtavang kedì te menge kelised ku, wey miduma kedì minsan hendei a ebpevayà.”
Ne hein migenat en dutun ensi Jacob, mibpengelinteuwan te Megbevayà he mahandek is menge meǥinged te menge siringan dan he inged, umbe wazè dan mezal-as ensi Jacob.
Ne migkuwa zin sikan is ed-ezapen he ledawan he vaka ne mibinsulan din. Ne hein nepasad dutun ne mibpurung din bekbeka ne insimburè din haazà diyà te wahig, ne impeinum din te menge Israilihanen.
Dutun he andew, is menge ed-ezapen he menge pelata wey menge vulawan he mibeelan dan su ed-ezapen dan, ibpenimbag dan diyà te menge rumat wey menge kaveg.
Igkeremerik niw en is menge ed-ezapen niw he mibpekeplaan te pelata wey vulawan. Idtimbag niw heini iring te meremerik he terapu, ne egkaǥi kew te, “Kenè ku en sikiyu egkesuatan te ed-ahà!”
Edsilutan ku sikandin su zuen menge timpu he midtutung sikandin te veyewà diyà te ledawan ni Baal. Inseluub din is menge elahas din ne midal-as din is menge kumpadi zin, ne siak mulà, ne midlipatan e zin en. Iyan a, is Nengazen, is migkaǥi kayi.
Iagbur niw ziyà te hapuy is menge ledawan he ed-ezapen dan, ne kenè niw keimahi is menge vulawan wey menge pelata zutun. Kenè niw haazà kuwaa su pekaid haazà keniyu. Pekeziyui niw heini su utew mezaat is ked-isipa kayi te Nengazen he Megbevayè niw.
Iyan heini ereg he ebeelan niw: pemengkaǥa niw is menge pemuhatè dan, penrupeta niw is tedeman dan he menge vatu, penempeza niw is menge tukud dan he simbulu te ed-ezapen dan he si Ashera, wey penutunga niw is menge ed-ezapen dan.
Midhendiyà is menge tig-Shekem wey is menge tig-Bet Milo te lugar he zuen duen kayu he ulayan he ziyà te Shekem ne zutun dan himuwa si Abimelec he hadì.
