Genesis 35:2 - Manobo Western Bukidnon OT

² Umbe migkeǥiyan ni Jacob is tivuuk he pemilya zin wey is langun he menge sakup din te, “Ipenimbag niw is menge ed-ezapen niw. Mebpenlumpiyu kew te keugelingen niw ne ilisi niw is bisti niw.

Genesis 35:2 교차 참조

Genesis 18:19

Mibpilì ku si Abraham su wey zin ikepenurù diyà te menge anak din wey menge kevuwazan din he med-ikul zan te ibayè ku te Nengazen pinaaǥi te ked-ul-ulaha zan te metazeng wey hustu. Pinaaǥi kayi, egketuman is menge pesarig ku kandin.”

Genesis 31:30

Netuenan ku he utew ka ebulunga ziyà te keniyu, umbe egkesuatan nu en he mekeulì ka. Piru maan is midtakew nu is menge ed-ezapen ku?”

Genesis 31:34

Piru ingke-eles-en ni Raquel ziyà te bulsavulsa zuen te silya te kemilyu zin, ne mibpinuuwan din heini. Ne midsusi ni Laban is langun he menge taǥù dutun te tulda ne wazè din maahà.

Genesis 34:2

Naahà sikandin ni Shekem he anak ni Hamor he Hivihanen, he pengulu zengan dutun he lugar. Mid-eǥen din si Dina ne midlayug din.

Genesis 35:22

Ne zutun te timpu he kemulu pa ed-ubpà ensi Jacob dutun, midhulizan ni Reuben is esawa te amey zin he si Bilha. Hein netuenan haazà ni Jacob, utew sikandin nepauk. Duen 12 he menge anak ni Jacob.

2 Samuel 7:23

Wey wazè en daan menge etew he iring te keet-etawan nu he menge Israilihanen. Iyan dà heini nasyun kayi te kelibutan he midluwas nu te kegkeuripen wey mehimu he keet-etawan nu. Nehimu ka he ventuǥan tenged te ǥehem nu wey egkein-inuwan he menge vaal nu hein midsegseg nu is menge etew ziyà te menge nasyun wey is menge ed-ezapen dan pinaaǥi te menge keet-etawan nu he midluwas nu puun te Ehipto.

2 Hadì 17:29

Piru heini is nekedseselekawà he grupu te menge etew, mibpedayun dan he ebaal te kandan he menge ed-ezapan. Diyà te kada inged he ed-ubpaan dan, impelastar zan is kandan he menge ed-ezapen diyà te menge simbahan he ziyà te metikang he menge lugar he mibeelan te menge tig-Samaria.

2 Hadì 5:10

Midsuǥù si Elisha te ibpekaǥi ziyà te ki Naaman he medhendiyà sikandin te Wahig he Jordan ne lùlui zin is lawa zin te kepipitu, ne egkeulian sikandin.

1 Cronica 16:26

su is langun he menge ed-ezapen te menge etew ziyà te zuma he menge nasyun, ne menge ledawan he mibeelan dan dà, piru iyan is Nengazen mibaal te langit.

Job 1:5

Ne kada egkepasad is keemuran, ebpemuhat si Job para melumpiyuwi haazà is menge anak din. Edsayu sikandin ed-enew ne ebpemuhat sikandin te menge pemuhat he edtutungen he para te kada anak din su egkeisip din he kela ke nekesalà is menge anak din, ne kela ke nekekaǥi zan te mezaat mehitenged te Megbevayà. Ne iyan heini layun ebeeli ni Job.

Salmo 51:2

Lùlui nu is kegkezaat ku; lumpiyuwi a te menge salè ku.

Salmo 51:7

Iawè nu is menge salè ku su wey a melumpiyuwi; lùlui a su wey a mebmeputì.

Exodus 19:10

migkaǥi pa is Nengazen diyà te kandin te, “Hendiyè ka te kandan ne keǥiyi nu sikandan he mebpekelumpiyu sikandan guntaan wey keeselem. Kinahanglan he pemìpii zan is menge visti zan.

Exodus 19:14

Ne zutun midtupang si Moises puun dutun te vuntud ne midsuǥù din is menge etew he mebpekelumpiyu. Ne mibpemìpian dutun te menge etew is menge visti zan.

Exodus 23:13

Purungi niw tumana heini is langun he migkaǥi ku keniyu. Kenè kew ampù diyà te zuma he menge ed-ezapen, ne kenè niw hisguti is ngazan dan.”

Megwewali 5:1

Kinahanglan he ebpekeventayan nu is ed-ul-ulahan nu ke edhendiyè ka te valey te Megbevayà. Meupiya pa ke egkezumahan te kebmetinumanen is ked-uvey nu zutun, kenà te ebpemuhat ke zà te iring te kebpemuhat te menge tulebung he wazà mesayud he sayep is baal zan.

Isaias 1:16

Mebpekelumpiyu kew! Engked kew en he ebaal te mezaat diyà te etuvangan ku.

Isaias 52:11

Sikiyu is ed-uwit te menge gelemiten diyà te valey te Nengazen, awè kew en diyà te Babilonia! Gawas kew en keniyan! Kenè kew ǥawed te ed-isipen he meremerik. Gawas kew en diyà te Babilonia, ne mebpekewaǥas kew.

Jeremias 13:27

Neehè ku is utew mezaat he menge vaal niw he iyan is ked-azap niw te zuma he menge ed-ezapen diyà te menge vuvungan wey menge vevesukà. Neiring kew te vahi he mengungumpadi he utew subra is kegkeeriǥi zin, wey te mekeeled-eled he vahi he ebelegyà te zengeg din. Mekehizuhizu kew is menge tig-Jerusalem! Keenu vuwa egkaawà is keremerik niw?

Jeremias 16:20

Egkeveelan be te etew is megbevayè din? Emun egkeveelan din, ne kenà heeyan tutuu he megbevayà!’ ”

Jeremias 5:7

Migkaǥi is Nengazen te, “Kenè ku en sikiyu ebpeseyluwen. Su minsan is menge anak niw midselikwey kedì, wey emun edheǥeten dan is penangdù dan, ngazan te tarù he megbevayà is egemiten dan. Imbeǥey ku kandan is menge kinahanglan dan piru nekehimu zan gihapun he ebpengumpadi, ne edhahasekhasek dan en diyà te valey te menge vahi he ebelegyà te zengeg dan.

Ezekiel 18:31

Engkezi niw en is kebaal niw te salà ne beǥuwa niw en is kebpengungubpaan niw su kenè kew ereg he ebpatey is menge etew te Israel.

Ezekiel 20:7

Ne migkeǥiyan ku sikandan te, “Iselikwey niw en is utew mezaat he menge ed-ezapen niw. Kenè niw remeriki is keugelingen niw pinaaǥi te ked-azap te menge ed-ezapen diyà te Ehipto, su iyan a, is Nengazen Megbevayè niw.”

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Daniel 5:4

Ne zutun te ked-iinum dan te vinu, midalig dan is menge ledawan he ed-ezapen he vulawan, pelata, brunsi, putew, kayu, wey vatu.

Leviticus 15:5

Ne is minsan hentei he ebpekesamsam kandin etawa ebpekesamsam te midhizeǥaan din etawa mibpinuuwan din, kinahanglan he ebpìpian din is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep.

Leviticus 17:16

Emun kenè din ebpìpian is bisti zin wey kenà ebpemeziǥù, ne zuen din televaken.

Numero 31:24

Dutun te ikepitu he andew kinahanglan he ebpìpian niw is menge visti niw, ne kegkepasad dutun ed-isipen kew en he lumpiyu ne ebpekeseled kew en diyà te kampu.”

Deuteronomio 11:28

Edrewaken kew emun kenè niw edtumanen heini is menge suǥù te Nengazen he Megbevayè niw he ibeǥey ku keniyu ǥuntaan, wey ed-azap kew te ed-ezapen te zuma he wazè niw mekilala.

Deuteronomio 32:16

Impepengelikud dan wey midretem dan is pauk te Nengazen pinaaǥi te ked-azap dan te zuma he menge ed-ezapen.

Deuteronomio 5:7

“ ‘Kenè kew med-azap te zuma he ed-ezapen gawas kedì.

Deuteronomio 6:14

Kenè kew medsunud te zuma he menge ed-ezapen, he menge ed-ezapen te menge etew he nekeelingkus keniyu;

Deuteronomio 7:25

Iagbur niw ziyà te hapuy is menge ledawan he ed-ezapen dan, ne kenè niw keimahi is menge vulawan wey menge pelata zutun. Kenè niw haazà kuwaa su pekaid haazà keniyu. Pekeziyui niw heini su utew mezaat is ked-isipa kayi te Nengazen he Megbevayè niw.

Josue 23:7

Kenè kew pekidsevaha te menge etew ziyà te menge nasyun he kemulu zuma niw, kenè niw sempita is ngazan te menge ed-ezapen dan wey kenè kew penangdù pinaaǥi te kegemita te ngazan kayi. Kenè kew zaan med-azap wey mebpenilbi kandan.

Josue 24:14

“Umbe ǥuntaan, ezapa niw is Nengazen ne penilbi kew kandin te tinutuuwà. Engkezi niw en is menge ed-ezapen he ebpen-ezapen dengan te menge kepuun niw ziyà layun te Wahig he Eufrates wey ziyà te Ehipto, ne penilbi kew te Nengazen.

Josue 24:15

Iyan, emun kenè niw igkelipey is kebpenilbi te Nengazen, pilì kew ǥuntaan he andew ke hentei is edsilbiyan niw. Iyan be is menge ed-ezapen he midsilbiyan te menge kepuun niw ziyà layun te Wahig he Eufrates, etawa iyan is menge ed-ezapen te menge Amorihanen he mid-ubpaan niw ǥuntaan is tanè dan. Piru siak mulà wey is pemilya ku, Nengazen is kenami he edsilbiyan.”

Josue 24:2

Migkaǥi si Josue ziyà te langun he menge etew te, “Iyan heini migkaǥi te Nengazen he Megbevayà te Israel: Dengan, menge meǥinged diyà layun te Wahig he Eufrates is menge kepuun niw ne ebpemen-azap dan te zuma he menge ed-ezapen. Is sevaha kandan iyan si Tera is amey ni Abraham wey ki Nahor

Josue 24:20

Emun ed-engkezan niw is Nengazen ne ebpenilbi kew te zuma he menge ed-ezapen, egkepeukan kew zin ne edsilutan kew zin. Edèdeetan kew zin minsan pa te mibpurungan kew zin dutun te nehuna he timpu.”

Josue 24:23

Migkaǥi si Josue te, “Emun iyan heeyan, engkezi niw en is menge ed-ezapen niw, ne penilbi kew te Nengazen he Megbevayà te Israel.”

Zatù 10:16

Ne zutun mid-iniyuǥan dan is menge ed-ezapen dan ne iyan dan mid-azap is Nengazen. Ne hein neuǥet kenè en egkaantus te Nengazen is kegkaahaa zin kandan te egkengerasey ne nehizuwan din sikandan.

Ruth 1:15

Ne zutun migkeǥiyan sikandin ni Naomi te, “Ruth, egenat en is izas nu su ed-ulì en diyà te menge kezuzumahi zin wey ziyà te zaan he ed-ezapen din. Umbe ulì ke en daan; duma ke en kandin.”

1 Samuel 16:5

Midtavak si Samuel te, “Uya, midhendini a su ebpemuhat a ziyà te Nengazen. Mebpekelumpiyu kew ne zuma kew kedì te ebpemuhat.” Ne midhimu ni Samuel is tulumanen para melumpiyuwi si Jesse wey is menge anak din, ne midhinggat din sikandan te kebpemuhat.

1 Samuel 7:3

Migkeǥiyan sikandan ni Samuel te, “Emun tutuu is kedlikù niw ziyà te Nengazen, itimbag niw heeyan is menge ed-ezapen niw apil heeyan is ledawan ni Ashtoret, ne pevayàbayè kew te Nengazen ne iyan dà sikandin silbiyi niw. Emun ebeelan niw heini ne edluwasen kew zin dutun te menge Filistihanen.”