Genesis 35:12 - Manobo Western Bukidnon OT

¹² Heini is tanà he imbeǥey ku ziyà te ki Abraham wey ziyà te ki Isaac, ibeǥey ku zaan kenikew wey ziyà te menge kevuwazan nu.”

Genesis 35:12 교차 참조

Genesis 12:7

Ne mibpaahà is Nengazen ki Abram ne ke sikandin te, “Heini is tanà, ne ibeǥey ku ziyà te menge kevuwazan nu.” Ne zutun mibaal si Abram te pemuhatà su ebpemuhaten din is Nengazen he iyan mibpaahà kandin.

Genesis 15:18

Ne zutun he andew, midtukud is Nengazen te kebpekid-uyun din ki Abram. Ke sikandin te, “Ibeǥey ku te menge kevuwazan nu heini he tanà. Puun diyà te wahig te Ehipto pehendiyà te zekelà he Wahig he Eufrates.

Genesis 28:13

Ne ziyà te zivavew zutun te heǥezan, neehè din is Nengazen he edhithitindeg ne migkaǥi sikandin te, “Iyan a sikan is Nengazen, is Megbevayà ni Abraham wey ni Isaac. Ibeǥey ku kenikew wey te menge kevuwazan nu heini he tanà is midhizeǥaan nu.

Genesis 48:4

Ke sikandin te, ‘Ebeǥayan ku sikew te mezakel he menge kevuwazan su wey ka mehimu he amey te mezakel he menge etew. Ne ibeǥey ku heini is tanà te Canaan diyà te menge kevuwazan nu, ne egkehimu heini he kandan te taman te taman.’ ”

Genesis 50:24

Duen timpu he migkaǥi si Jose ziyà te menge suled din te, “Meǥaan en is kebpatey ku, piru kenà egkehimu he kenè kew en edtevangan te Megbevayà. Ne ibpaawè kew zin ded kayi he tanà, ne ibpeulì kew zin diyà te tanà he impesarig din te menge kepuun tew he si Abraham, si Isaac, wey si Jacob.”

1 Cronica 16:17

Ne impelaus din heini he kebpekid-uyun din diyà te ki Jacob, he migngezanan daan ki Israel, ne heini is kebpekid-uyun din ebpedayun te taman te taman.

Exodus 2:24

Nezineg te Megbevayà is dag-es dan, ne netenuzan din is paaǥi te kebpekid-uyun din diyà te ki Abraham, ki Isaac, wey ki Jacob.

Exodus 3:8

Ne umbe mibulus a su edlibriyen ku sikandan te menge pesipala kandan te menge tig-Ehipto, wey ibpaawè ku sikandan diyà te Ehipto ne ziyè ku sikandan ibpeubpà te tanà he meupiya wey meluag, tanà he egkeerubasa he ebpuunan te edtudà he ǥatas wey teneb he iyan ed-ubpaan te menge Canaanhen, Hitihanen, Amorihanen, Pirisihanen, Hivihanen wey Jebusihanen.

Exodus 32:13

Tentunuzi nu is menge suluǥuen nu he si Abraham, si Isaac wey si Jacob; tentenuzi nu is meheǥet he penangdù nu ziyà te kandan he ibeǥey nu kandan is utew mahabet he kevuwazan su ebpekeiring te kahabet te menge vituen diyà te zivavew, ne id-amin nu ibeǥey zutun te menge kevuwazan dan is tanà he ingkepenaad nu he ibeǥey ziyà te kandan, ne egkepengevilin dan haazà te taman te taman.”

Leviticus 26:42

edtumanen ku is kebpekid-uyun ku te menge kepuun niw he si Abraham, si Isaac, wey si Jacob ne idlikù ku sikiyu ziyà te tanè niw.