Genesis 34:29 - Manobo Western Bukidnon OT

²⁹ Mibpenguwa zan is langun he ketiǥeyunan dutun te inged, ragkes is menge azen he zutun te seled te menge valey. Ne mibpemihag dan is langun he menge vahi wey menge vatà.

Genesis 34:29 교차 참조

Genesis 31:26

Ne migkeǥiyan ni Laban si Jacob te, “Maan is mid-ulaula nu heini kedì! Maan is mid-ekalan a kenikew? Mid-uwit nu pa is menge anak ku, he henduen be te nengevihag te tebek.

Genesis 34:27

Ne zutun, nekeuma zaan is duma pa he menge anak ni Jacob dutun te inged ne mibpenavan dan is menge azen dutun te inged. Mid-ulaula zan haazà tenged te midèdeetan is dengeg te etevey zan he si Dina.

Genesis 34:28

Mibpenguwa zan is menge kerehidu, menge vaka, menge asnu, wey is minsan hengkey he menge azen diyà te inged wey minsan is diyà te menge unayan.

Genesis 34:30

Ne migkeǥiyan ni Jacob si Simeon wey si Levi te, “Mibeǥayan a keniyu te utew zekelà he samuk. Edumutan kiw en te menge Canaanhen wey menge Pirisihanen he menge meǥinged kayi te tanà. Mezakel zan, kenè kiw, ne emun ebpetebtevangè dan ne edsurungen kiw zan, egkaamin kiw zan te edhimatey.”

Numero 31:11

Ne mid-uwit dan is langun he naaǥew zan, ragkes en is menge etew wey menge uyaǥen,

Numero 31:9

Ne mibihag dan is menge Midianhen he menge vahi wey menge vatà, wey mibpenguwa zan is menge uyaǥen wey menge azen.