24 Ne mid-uyunan te langun he menge maama he meǥinged dutun haazà is sambag ni Hamor wey te anak din he si Shekem. Umbe mibpesirkunsidar is langun he menge maama zutun te inged.
Ne zutun dà he andew, midtuman ni Abraham is insuǥù kandin te Megbevayà. Midsirkunsidar zin is anak din he si Ishmael wey is langun he maama he ziyà te valey zin: is menge uripen he ziyà ianak te valey zin wey is menge uripen he mibpemasa zin.
Ebpimpinuu zutun si Efron duma te menge zuma zin he menge Hitihanen, umbe midtavak din si Abraham diyà te etuvangan te langun he menge zuma zin he menge Hitihanen he midtiǥum dutun te pultahan te inged.
Ne emun ebpekeubpè dan en kayi, egkehimu en he is langun he uyaǥen dan wey menge azen dan ne kenitew en daan. Umbe ebpemineg kiw en te egkesuatan dan su wey zan mekeubpà kayi zuma kenitew.”
