Genesis 34:12 - Manobo Western Bukidnon OT

¹² Minsan pira is ibpesunggud niw kediey wey is minsan hengkey he ebuyuen he igasa ku kandin ne ibeǥey ku asal ipeesawa niw kediey si Dina.”

Genesis 34:12 교차 참조

Genesis 24:53

Ne zutun migkuwa zin haazà is uwiten din he menge elahas he pelata ragkes is menge visti, ne imbeǥey zin ki Rebeka. Mibeǥayan din daan te mahalen he menge gasa he inggasa zin dutun te menge suled wey iney ni Rebeka.

Genesis 29:18

Tenged te egkesuatan ni Jacob si Raquel, migkeǥiyan din si Laban te, “Edterebahu a kayi te kenikew seled te pitu he tuig emun ibpeesawa nu kedì si Raquel.”

Genesis 31:41

Menge 20 en he tuig is ked-ubpè ku ziyan te keniyu, 14 he tuig is kebpenilbi ku kenikew para kayi te zezuwa he anak nu he menge vahi. Ne mid-uman e pa medterebahu te heenem he tuig te kebekidu te menge uyaǥen nu. Piru hengkey heini is mibeelan nu? Ne kesepulù nu en helhelina is suhul ku.

Genesis 34:11

Midhangyù daan si Shekem diyà te amey wey menge suled ni Dina te, “Emun egkehizuwan a keniyu ne ipeesawa niw en kedì si Dina, ne minsan hengkey he ebuyuen niw ibeǥey ku.

Genesis 34:13

Tenged te midèdeetan ni Shekem is dengeg ni Dina, mid-ekalan te menge anak ni Jacob si Shekem wey is amey zin he si Hamor.

2 Samuel 3:14

Midsuǥù si David te etew he ibpepenudtul ziyà te ki Ishboshet te, “Ilikù nu kayi te kedì is esawa ku he si Mical. Su 100 he Filistihanen is midhimetayan ku ne migkuwa ku is lundis te purù te sineruwan dan he iyan sunggud ku te ked-esewaa ku ki Mical.”

Exodus 22:15

Iyan, emun dutun sikan is teǥiǥaked ne kenà ibpevayad haazà is midsambey. Emun mibpilitiyan haazà is uyaǥen ne sikan is impiliti zuen iyan en kuwinta vayad.

Hoseas 3:2

Umbe, mibpemasa ku is esawa ku te 15 he pelata wey heepat he saku he barli.

1 Samuel 18:23

Hein migkeǥiyan dan en si David, ne migkaǥi si David te, “Kenè ku egkeveleveg is sungguzanan diyà te ki Saul para meesawa ku is anak din. Pubri a ne kenè e pa egkekilala.”