Genesis 34:10 - Manobo Western Bukidnon OT

¹⁰ Egkehimu he ebpekeubpè kew kayi te kenami he tanà su kenè dey keniyu ibarew. Dini kew ubpà; dini kew petiǥayun minsan hendei ne ebpekaangken kew te tanà.”

Genesis 34:10 교차 참조

Genesis 13:9

Meupiya pa ke ebpesuwayè ki, su mezakel pa is lugar he egkehelinan, ne pilì ka, ke hendei is egkesuatan nu, emun iyan ebpilien nu is dapit te egkeǥivang ne ziyà a edhalin te zapit te egkekewanan. Piru ke iyan ebpilien nu is dapit he egkekewanan, ne ziyà a te zapit te egkeǥivang.”

Genesis 20:15

Ne migkeǥiyan ni Abimelec si Abraham te, “Andam a te kebpeubpà keniyu kayi te tanè ku, ne iyan ka pilì ke hendei ka egkesuat he ed-ubpà.”

Genesis 34:11

Midhangyù daan si Shekem diyà te amey wey menge suled ni Dina te, “Emun egkehizuwan a keniyu ne ipeesawa niw en kedì si Dina, ne minsan hengkey he ebuyuen niw ibeǥey ku.

Genesis 34:9

Egkesuatan dey zaan he ebpengesawa kew kayi te kenami. Is menge anak niw he vahi, ne ipeesawa niw kenami ne ibpeesawa zey zaan is menge anak dey keniyu.

Genesis 42:34

Ne kinahanglan he edumahan niw is hazi niw kayi su wey ku metueni ke kenè kew teruen wey kenà kebpeniid dà is inhendini niw. Ne idlikù ku is sevaha he suled niw ziyan te keniyu, ne edtuǥutan ku sikiyu te kednigusyu zini te Ehipto.’ ”

Genesis 47:27

Is menge kevuwazan ni Israel, ne ziyè dan med-ubpà te tanà he Goshen he sakup te Ehipto. Nekaangken sikandan te menge tanà dutun ne mibmezakel zan utew.