7 Ne midsunud si Lea wey is menge anak din, ne midluhud daan sikandan. Ne iyan nehuziyan he mid-uvey he ed-luhud si Jose wey is iney zin he si Raquel.
Ne mid-uvey ziyà te ki Esau haazà is dezuwa he suluǥuen he vahi wey is menge anak dan, ne midluhud sikandan he iyan kedtahud dan kandin.
Ne mid-insaan ni Esau si Jacob te, “Hengkey is ibpesavut dutun te nesinuǥung ku he grupu te menge uyaǥen nu?” Midtavak si Jacob te, “Ibpayùpayù ku kenikew para mezawat a kenikew.”
