Genesis 33:19 - Manobo Western Bukidnon OT

¹⁹ Ne haazà is tanà he mibpehitindeǥan dan te tulda ne mibpemasa ni Jacob diyà te menge anak ni Hamor te 100 he vuuk he pelata. Si Hamor ne iyan amey ni Shekem.

Genesis 33:19 교차 참조

Genesis 23:13

ne migkaǥi sikandin diyà te ki Efron he nezineg te langun te, “Pemineǥa a. Egkesuatan ku he ebeyazan ku haazà is bevesukà. Dewata nu en is ibayad ku, su wey zutun ku en ikeleveng is esawa ku.”

Genesis 23:15

“Datù, pemineǥa a zep-a. Is bali zuen te tanà, ne 400 he vuuk he pelata, piru kenà haazà ebpekesamuk kenita te teleemiǥu. Kuwaa nu en is tanà ne igkeleveng nu zutun is esawa nu.”

Genesis 33:20

Ne zutun mibaal si Jacob te pemuhatà he migngezanan din te El Elohe Israel, he ke và dà egkaǥiya, “Utew mekeǥeǥehem is Megbevayà he ed-ezapen ni Israel.”

Josue 24:32

Is menge tulan ni Jose he mid-uwit te menge Israilihanen puun te Ehipto inleveng diyà te Shekem, diyà te tanà he nepemasa ni Jacob te 100 he vuuk he pelata ziyà te anak ni Hamor he amey ni Shekem. Heini he tanà kevahin te tanà he nepengevilin te menge kevuwazan ni Jose.

Zatù 9:28

Migkaǥi si Gaal te, “Hengkey kiw he kelasi te menge etew is kayi te Shekem? Maan is mibpesakup kiw ki Abimelec? Hentei man sikandin? Kenè be anak dà sikandan ni Gideon? Ne maan is mibpesakup kiw kandin wey te sineriǥan din he si Zebul. Diyè kew ereg he ebpesakup te kevuwazan te kepuun niw he si Hamor?