Genesis 33:14 - Manobo Western Bukidnon OT

¹⁴ Deyzey ke edhuna ke en kenami. Ednaneynaney key en edsunud kenikew sumalà te kegaan kayi te menge vatà wey te menge uyaǥen he egketundug dey. Diyè kiw en ebpeked-uuma te Seir.”

Genesis 33:14 교차 참조

Genesis 32:3

Ne zuen menge midsuǥù ni Jacob he impehuna zin diyà te ki Esau ziyà te tanà he Seir, kes lugar he egngezanan daan he Edom.

Genesis 32:4

Mibpenurù din sikandan ke hengkey is egkeǥiyen dan diyà te ki Esau. Migkaǥi si Jacob te, “Keǥiyi niw si Esau te ziyà a med-ubpà te ki Laban ne wazè e pa ganì mekeulì taman guntaan.

Genesis 33:13

Piru midtavak si Jacob te, “Netuenan nu he utew key menaney he edhipanew su memenaney he edhipanew is menge vatà, ne egkesuatan ku zaan he egkepurungan egkeelimahi is menge uyaǥen he edsusuwan. Emun ebpeǥesen ta te kedhipanew is menge uyaǥen te tivuuk he andew ne kela ke mebpematey sikandan.

2 Cronica 20:10

“Ne ǥuntaan edsurungen key te menge etew he ebpuun te Ammon, Moab, wey Buntud he Seir. Dengan ne wazè nu ituǥut haazà is ubpeey zan he edsekupen te menge Israilihanen hein nekeǥawas dan diyà te Ehipto. Midlevayan dà heini te menge Israilihanen ne wazè dan sikandan penhimetayi.

Isaias 40:11

Ed-etimanen din is menge etew zin iring te ked-etiman te ebantey te menge kerehidu: Edsepipiyen din is dezeisey pa he menge kerehidu ne meelima sikandin he egiya zuen te menge telenati.

Ezekiel 25:8

Migkaǥi is Nengazen he MEGBEVAYÀ te, “Is Moab he migngezanan daan te Seir, egkaǥi is menge meǥinged duen te iring dà daan is Juda te zuma he menge nasyun.

Deuteronomio 2:1

“Ne zutun midlikù kiw ziyà te sibsivayan pehendiyà te Zaǥat he Meriǥà, su iyan haazà insuǥù te Nengazen kedì. Ne neuǥet he timpu is kebpekeriǥuriǥu tew ziyà te menge vuvungan he Seir.

Zatù 5:4

He Nengazen, hein migenat ka he ebpuun diyà te Buntud he Seir, wey migawas ka te tanà he Edom, midlinug wey mid-uzan te utew mereǥes.