Genesis 32:28 - Manobo Western Bukidnon OT

²⁸ Ne migkaǥi haaza is etew te, “Puun guntaan kenè en maan Jacob is igngazan kenikew, kekenà, Israel en tenged te nekibuteng ka te Megbevayà wey te etew, ne nekezaag ka.”

Genesis 32:28 교차 참조

Genesis 17:15

Ne elin daan migkaǥi te Megbevayà diyà te ki Abraham is: “Ne haazà is esawa nu he si Sarai, kenè nu en ngezani ki Sarai, kekenà, iyan nu en ingazan kandin si Sara, he ke và dà egkeǥiya, ‘Bai’.

Genesis 17:5

Kenè ke en egngezanan ki Abram, kekenà, egngezanan ku en sikew ki Abraham, su edhimuwen ku sikew he kepuun te medmezakel he menge nasyun.

Genesis 25:31

Ne midtavak si Jacob te, “Wey ku sikew ebeǥayi kayi emun ibeǥey nu kedì is ketenged nu te kegkekakey.”

Genesis 31:24

Ne zutun he kezukilemi, mibpaahà is Megbevayà ki Laban te Aramihanen pinaaǥi te teǥeinep. Migkeǥiyan sikandin te Megbevayà te, “Kenè nu pesipelahi si Jacob.”

Genesis 32:24

Ne hein iyan dà si Jacob netaǥak dutun, duen nekeuma he sevaha he maama ne mibuteng din si Jacob. Mibuteng sikandan taman te egkepawà.

Genesis 32:27

Ne mid-insaan sikandin dutun te etew te, “Hentei is ngazan nu?” Ne midtavak sikandin te, “Si Jacob.”

Genesis 33:20

Ne zutun mibaal si Jacob te pemuhatà he migngezanan din te El Elohe Israel, he ke và dà egkaǥiya, “Utew mekeǥeǥehem is Megbevayà he ed-ezapen ni Israel.”

Genesis 33:4

Ne si Esau mibpelelaǥuy is edsinuǥung ki Jacob ne migkepkepan din ne midhezekan din, ne nekesineǥew zan is dezuwa.

Genesis 35:10

Migkeǥiyan sikandin te Megbevayà te, “Jacob is ngazan nu, puun guntaan ne kenè en maan Jacob is igngazan kenikew, kekenà, Israel en.” Umbe Israel en is ngazan ni Jacob.

2 Samuel 12:25

ne midsuǥù din is ebpeneuven he si Natan he egngezanan din haazà is batà te Jedidia su mibmahal zin sikandin.

1 Hadì 18:31

Migkuwa sikandin te 12 he menge vatu he iyan ibpesavut din is 12 he tribu he menge anak ni Jacob, sikan is etew he migngezanan te Nengazen ki Israel.

2 Hadì 17:34

Taman en guntaan he menge andew is kebeeli zan kayi. Kenà tutuu is ked-ezapa zan te Nengazen, ne wazà sikandan medtuman te menge suǥù, menge sulunuzen, menge penurù, wey menge kesuǥuan he imbeǥey te Nengazen te menge kevuwazan ni Jacob, he migngezanan din te Israel.

1 Cronica 1:34

Si Abraham ne amey ni Isaac. Is menge anak ni Isaac ne si Esau wey si Israel.

Erubasa 16:7

Emun igkesuat te Nengazen is menge ulaula ta, edhimuwen din he meemiǥu ta is menge kuntada ta.

Isaias 43:1

Piru ǥuntaan iyan heini egkeǥiyen te Nengazen, he midlimbag kenikew, He Israel: “Kenè ka mahandek su edlibriyen ku sikew, ngazan nu is in-umew ku kenikew, ne ǥaked ku sikew.

Isaias 65:15

Egemiten te menge pinilì ku is ngazan niw emun ebpenrawak dan, ne siak, is Nengazen he MEGBEVAYÀ, iyan a edhimatey keniyu. Piru is menge suluǥuen ku egngezanan ku te veǥu he ngazan.

Numero 13:16

Iyan sikandan menge etew he midsuǥù ni Moises te kebpeniid diyà te Canaan. (Mid-ilisan ni Moises is ngazan ni Hoshea he anak ni Nun te Josue.)

1 Samuel 26:25

Ne migkeǥiyan ni Saul si David te, “Berakat he tuvazi ka te Megbevayà, anak ku. Mezakel pa is ereg he ebeelan nu, ne ebmezeeǥen ka.” Ne zutun migenat si David, ne si Saul ne mid-ulì daan.