Genesis 31:53 - Manobo Western Bukidnon OT

⁵³ Ne ke edsupaken heini te minsan hentei kenita, berakat he siluti sikandin te Megbevayà ni Abraham wey Megbevayà ni Nahor he iyan daan Megbevayà te amey zan.” Ne mibpesarig daan si Jacob ne mibpetistiǥus te Megbevayà he edtehuzen te amey zin he si Isaac.

Genesis 31:53 교차 참조

Genesis 11:31

Ne midumahan ni Tera is anak din he si Abram, is ambey zin he si Sarai, wey is apù din he si Lot he anak ni Haran, ne mid-awè dan diyà te Ur he sakup te inged te menge Kildiyanhen su edhendiyè dan pezem te Canaan. Piru hein nekeuma zan diyà te inged he Haran, diyè dan dà med-ubpà.

Genesis 14:22

Ne midtavak si Abram te, “Ebpenangdù a kayi te etuvangan te Nengazen, te Utew Lavew he Megbevayà he iyan nenlimbag te langit wey tanà.

Genesis 16:5

Ne migkaǥi zutun si Sarai ziyà te ki Abram te, “Kenikew he salà heini is kebpelevawi kediey ni Hagar. Minsan pa te iyan a mibeǥey kandin diyan te kenikew, ebpelevawan e zin gihapun hein netuenan din he meǥingey en su kenè nu edewayen. Nesayud is Nengazen ke hentei kenita is ebpekevenar!”

Genesis 17:7

Edtumanen ku is kebpekid-uyun ku kenikew wey te menge kevuwazan nu te peleebuten he lapis te kevuwazan, ne pedayun a he Megbevayè niw. Heini he kebpekid-uyun ku ne taman te taman.

Genesis 28:13

Ne ziyà te zivavew zutun te heǥezan, neehè din is Nengazen he edhithitindeg ne migkaǥi sikandin te, “Iyan a sikan is Nengazen, is Megbevayà ni Abraham wey ni Isaac. Ibeǥey ku kenikew wey te menge kevuwazan nu heini he tanà is midhizeǥaan nu.

Genesis 31:42

Emun buwa wazà a tevangi te Megbevayà te amey ku he si Isaac, kes Megbevayà ni Abraham, kela ke midsegseg e en kenikew he wazà uwiten he minsan hengkey. Piru naahà te Megbevayà is kedhaǥù ku wey kedterebahu ku, umbe midawey ke zin geina he mezukilem.”

Genesis 31:52

Iyan menge tuus he ebpeketistiǥus is Megbevayà. Tuus heini is intambù wey tuus daan heini is impelastar he vatu te uyun ta he kenà a edlavey kayi te intambù te kebpesipala kenikew, ne sikew zaan, kenè ka edlavey kayi te kebpesipala kedì.

Genesis 47:31

Ne migkaǥi si Jacob te, “Penangdù ka kediey he edtumanen nu iyan heini.” Ne mibpenangdù si Jose. Ne zutun midlangkeb si Jacob dutun te hizeǥaan din su ebpeselamat te Megbevayà.

Exodus 3:6

Ne mid-uman sikandin megkaǥi te, “Iyan a sikan is Megbevayà he ed-ezapen te menge kepuun nu, ed-ezapen a ni Abraham, ed-ezapen a ni Isaac wey ed-ezapen a ni Jacob.” Ne zutun midtembunan ni Moises is dagwey zin su egkahandek he ed-ahà te Megbevayà.

Exodus 5:21

ne migkeǥiyan dan haazà is dezuwa te, “Berakat he siluti kew te Nengazen, su keniyu he vaal is utew ingkeepesi kenami te hadì wey te menge upisyal zin. Is mibeelan niw ne iyan egkehimu he hinungdan te kedhimetayi zan kenami.”

Deuteronomio 6:13

“Tehuza niw is Nengazen he Megbevayè niw; iyan niw zà sikandin silbiyi, ne ngazan din dà is gemita niw emun ebpenangdù kew.

Josue 24:2

Migkaǥi si Josue ziyà te langun he menge etew te, “Iyan heini migkaǥi te Nengazen he Megbevayà te Israel: Dengan, menge meǥinged diyà layun te Wahig he Eufrates is menge kepuun niw ne ebpemen-azap dan te zuma he menge ed-ezapen. Is sevaha kandan iyan si Tera is amey ni Abraham wey ki Nahor

Zatù 11:27

Wazà mezaat he mibeelan dey ziyà te keniyu, piru sikiyu mezaat is ed-ul-ulahan niw kenami su egkesuat kew he ebpekidtebek kenami. Iyan is Nengazen edhukum kenitew ke hentei is ebpekevenar kenitew.”

1 Samuel 20:23

Ne mehitenged te kesebutan ta ne tentenuzi nu he iyan is Nengazen tistiǥus ta taman te taman.”

1 Samuel 24:12

Berakat he iyan is Nengazen edhukum kenita te zezuwa, ne berakat he iyan sikandin is ebales te mezaat he ebeelan nu kedì. Piru kenè ku mulà sikew egketikaan.