Genesis 31:42 - Manobo Western Bukidnon OT

⁴² Emun buwa wazà a tevangi te Megbevayà te amey ku he si Isaac, kes Megbevayà ni Abraham, kela ke midsegseg e en kenikew he wazà uwiten he minsan hengkey. Piru naahà te Megbevayà is kedhaǥù ku wey kedterebahu ku, umbe midawey ke zin geina he mezukilem.”

Genesis 31:42 교차 참조

Genesis 11:5

Ne zutun, mibulus is Nengazen su ed-ahaan din is mibeelan te etew he inged wey turi.

Genesis 16:11

Ne impelaus din is egkeǥiyen din kandin te, “Meǥingey ka, ne maama is id-anak nu. Ishmael is igngazan nu kandin, su nezineg te Nengazen is menge pengemuyù nu kandin tenged te merasey is egkeulaula nu.

Genesis 16:13

Umbe migngezanan ni Hagar is Nengazen te, “El-roi,” su ke sikandin te, “Neehè ku ve is Megbevayà, ne kemulu e pa he uuyag guntaan?”

Genesis 27:33

Hein nezineg haazà ni Isaac, migkerker sikandin ne nemensag, “Hentei ves haazà is neketuǥes duen te mid-uwit kayi te kedì he keenen? Beǥu e pa nekepasad he egkaan kayi te kebpekeuma nu. Mibpenubtuvazan ku en sikandin ne kenè ku en egkehimu te edhawì.”

Genesis 29:32

Mibmeǥingey si Lea ne mid-anak te maama ne migngezanan din ki Reuben, su ke sikandin te, “Naahà te Nengazen is merasey he egkeulaula ku, guntaan siguradu he ebmahalen ad human te esawa ku.”

Genesis 31:12

Ne ke sikandin te, ‘Ahaa nu is langun he menge meemahan he kambing ne nekepeniwaley te menge vehiyan he menge beverekà he kambing. Mid-ulaula ku heini tenged te neehè ku is langun he mibeelan ni Laban.

Genesis 31:24

Ne zutun he kezukilemi, mibpaahà is Megbevayà ki Laban te Aramihanen pinaaǥi te teǥeinep. Migkeǥiyan sikandin te Megbevayà te, “Kenè nu pesipelahi si Jacob.”

Genesis 31:29

Duen ku ketezengan pezem te kebpesipala kenikew, piru mibpaahà kedì is Megbevayà geina te mezukilem he ed-ezapen te amey nu, ke sikandin te, ‘Kenè nu pesipelahi si Jacob.’

Genesis 31:5

Migkeǥiyan din sikandan te, “Neǥezam ku he nahalin en is gehinawa zin kedì guntaan kenà te nehuna. Piru is Megbevayà te amey ku iyan edtavang kedì.

Genesis 31:53

Ne ke edsupaken heini te minsan hentei kenita, berakat he siluti sikandin te Megbevayà ni Abraham wey Megbevayà ni Nahor he iyan daan Megbevayà te amey zan.” Ne mibpesarig daan si Jacob ne mibpetistiǥus te Megbevayà he edtehuzen te amey zin he si Isaac.

Genesis 32:9

Ne zutun mid-ampù si Jacob te, “He Megbevayà te apù ku he si Abraham wey Megbevayà te amey ku he si Isaac, iyan ka kes Nengazen he migkaǥi kediey he med-ulì a ziyà te menge kezuzumahi ku, diyà te tanà he zutun a ianak, ne edtuvazan a kenikew.

Genesis 35:3

Ne edhendiyè kiw te Betel; ne ebaal a zutun te pemuhatà ne ed-ezapen ku is Megbevayà he midtavang kedì te menge kelised ku, wey miduma kedì minsan hendei a ebpevayà.”

Genesis 46:1

Ne zutun migenat si Jacob duma te pemilya zin, ne mid-uwit dan is langun he menge azen dan. Ne hein nekeuma zan diyà te Beersheba, mibpemuhat din is Megbevayà te amey zin he si Isaac.

1 Cronica 12:17

Migawas si David ne midsinuǥung din sikandan ne migkaǥi, “Emun iyan inhendini niw is edtevangan a keniyu su menge emiǥu ku sikiyu ne edewaten ku sikiyu he eduma kenami. Piru emun iyan inhengkayi niw is ibpalad a keniyu te menge kuntada ku minsan wazè ku mibeelan he mezaat keniyu, ne iyan ebpekaahà kayi is Megbevayà te menge kepuun tew ne iyan edsilut keniyu.”

Salmo 31:7

Egkelipey a su veliǥeǥawen ke man. Ne wazà mekeeles kenikew is menge elentusen ku, ne netuenan nu is menge kelised ku.

Exodus 3:7

Migkaǥi is Nengazen te, “Neehè ku is kemereǥenan te menge etew ku ziyà te Ehipto. Nezineg ku is kebuyù dan te tavang tenged te kebpesipelahi kandan te menge edumala kandan te edterebahu, ne edtevangan ku su egkehizuwan ku sikandan.

Isaias 8:13

Siak, is Nengazen he Mekeǥeǥehem, kinahanglan he egkilelaan a keniyu he waǥas. Iyan a ereg he egkehendekan niw.

Daniel 2:23

Umbe, edeliǥen ku wey ebpeselamatan ku sikew, is Megbevayà te menge kepuun ku. Iyan ka mibeǥey kedì te ketau wey kebpekehimu. Ne imbeǥey nu kenami is mibuyù dey ziyà te kenikew pinaaǥi te kebpezeyaǥa nu kenami zuen te teǥeinep te hadì.”

Deuteronomio 15:13

Ne emun ibpeǥawas nu en sikandin, ne kenè nu sikandin ipeǥenat he wazè din uwiten.