Genesis 30:35 - Manobo Western Bukidnon OT

³⁵ Piru te haazà he andew, insivey ni Laban is kevangan he kambing, meemahan wey vehiyan, ragkes is meitem he menge kerehidu. Mibpeelimahan din heini te anak din he maama.

Genesis 30:35 교차 참조

Genesis 30:32

Iyan heini: edsusiyen ku ǥuntaan is menge uyaǥen nu ne egkuwaan ku is meitem he menge kerehidu wey kevangan he menge kambing. Iyan dà haazà suhul ku.

Genesis 30:34

Midtavak si Laban te, “Emun iyan heeyan egkesuatan nu, ebpemineg a.”

Genesis 30:36

Insivey ni Laban is kandin he menge uyaǥen dutun te menge uyaǥen ni Jacob te keziyù he tetelu he andew emun edhipenawen. Iyan dà nesamà he uyaǥen dutun is mid-elimahan ni Jacob.

Genesis 31:9

Ne pinaaǥi zutun migkuwa te Megbevayà is menge uyaǥen te amey niw ne imbeǥey zin kediey.”

Genesis 46:34

kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”