Genesis 30:15 - Manobo Western Bukidnon OT

¹⁵ Ne midtavak si Lea te, “Wazè nu pe bes ikesuat is ked-eǥawa nu te esawa ku? Egkuwaan nu pa zaan is mandragura te anak ku?” Migkaǥi si Raquel te, “Emun ebeǥayan a kenikew te mandragura ne ibpehulid ku si Jacob kenikew kengkuwan ke mezukilem.”

Genesis 30:15 교차 참조

Genesis 30:14

Sevaha zutun he timpu he iyan ting-eǥani te trigu, midhendiyà si Reuben te vevesukà, ne zuen neehè din he pinemula he mandaǥura. Mibpenguwa sikandin te veǥas kayi, ne mid-uwit din diyà te iney zin he si Lea. Hein naahà haazà ni Raquel, migkaǥi sikandin te, “Beǥayi ad kun keniyan te mandragura he mid-uwit te anak nu.”

Genesis 30:16

Hein mahapun en, ne ebpelingguma si Jacob is ebpuun diyà te vevesukà is ed-ulì en, ne midsinuǥung sikandin ni Lea, he egkaǥi te, “Kinahanglan he kayi ka edhulid te kedì guntaan te mezukilem, su mibeyazan ku en sikew ziyà te ki Raquel te mandragura he mid-uwit te anak ku.” Umbe ziyà te ki Lea medhulid si Jacob dutun te kezukilemi.

Isaias 7:13

Migkaǥi si Isaias te, “Pemineg kew is menge kevuwazan ni David! Kenè be subre en is kebpetigkerà niw te menge zuma niw he menge etew? Ne ǥuntaan iyan niw en maan ibpetigker is Megbevayè ku!

Ezekiel 16:47

Mid-iringan nu is menge vetasan dan wey is utew mezaat he menge vaal zan. Ne seled te mevavè dà he timpu midlavew is kenikew he kezaat te kandan he kezaat.

Numero 16:13

Kenè pe be ereg is kegkuwaa nu kenami ziyà te Ehipto he meupiya wey uuzaran is tanà duen su wey key kenikew mehimetayi kayi te sibsivayan? Ne ǥuntaan egkesuat ke pa he edhadìhadì kenami.