Genesis 30:1 - Manobo Western Bukidnon OT

¹ Hein naahà ni Raquel he kenà sikandin ed-anak, neima sikandin ki Lea. Migkeǥiyan din si Jacob te, “Beǥayi a te anak su emun kenà a kenikew ebeǥayan te vatà ne ebpatey e en!”

Genesis 30:1 교차 참조

Genesis 29:31

Naahà te Nengazen he kenà mahal ni Jacob si Lea, umbe mibpengelinteuwan din he mekaanak si Lea, piru si Raquel ne kenà.

Genesis 37:11

Ne utew neepesi si Jose te menge suled din, piru si Jacob mulà mid-isip-isip din heini he menge hitavù.

1 Hadì 19:4

Ne midhendiyà mulà sikandin te sibsivayan he senga andew is hipanew zin. Mibpundu sikandin he ebpimpinuu ziyà te lempek te kayu, ne mid-ampù he mebpatey en sikandin. Migkaǥi sikandin te, “Subre en heini Nengazen! Kuwaa nu en is untung ku, kenà a zeyzey te menge kepuun ku.”

Job 13:19

Ke zuen ebpekesumbung kedì he nekesalà a, ebpereremek ad taman te kebpatey ku.

Job 3:11

“Deyzey pa ke minatey e en diyà te ǥetek te iney ku.

Job 5:2

Is pauk wey kesina, edhimatey te tulebung he etew he wazè din ketau.

Salmo 106:16

Diyà te kampu zan diyà te sibsivayan nesina sikandan ki Moises wey ki Aaron. Si Aaron mibpili he ebpenilbi te Nengazen.

Erubasa 14:30

Is melinew he isip, ibmeupiya te lawa, iyan, is kegkesina, iring te zaru he kansir su ebpekezezaat.

Erubasa 30:16

is iveyaan, is bahi he kenà ebpekaanak, is tanà su kenà egkeperahan te uzan wey hapuy su kenà daan heini egkeperahan te idtavun duen.

Megwewali 4:4

Neehè ku he is etew ebpenigudu wey ebeelan din is taman te egkehimu zin su egkesina sikandin te zuma zin. Wazà daan kayi pulus; henduen dà te edal-as ka te keramag.

Numero 11:15

Emun iyan heini ebeelan nu kediey ne himetayi ad nasì kenikew ǥuntaan. Emun nekepenunuat a kenikew, ne kenà a kenikew vey-ani he egkerasey!”

Numero 11:29

Piru midtavak si Moises te, “Ingkeipeng nu ve he ebpekezezaat heini te kegkepengulu ku? Emun iyan e zà ebpekevayàbayà, egkesuat a he pudu veǥayi te keǥehem te Nengazen is menge etew zin su para pudu zan mekepenagnà iring te menge ebpeneuven.”