8 Midtavak sikandan te, “Kenà egkehimu emun kenè dey pa egkevurunburun is menge kerehidu zey. Emun kayi en is langun he kerehidu ne edlilizen dey haazà is intangeb he vatu su wey mekeinum sikandan.”
Edteǥan te menge bekidu te kerehidu he egkevurunburun is langun he menge kerehidu zan ne human dan id-awà haazà is batu he intangeb. Emun egkepasad dan te kebpeinum is menge kerehidu zan, ne idlikù dan haazà is batu.
Ne migkeǥiyan en maan ni Jacob te, “Metikang pa is andew, ne kenè pa uras he edtudilen is menge kerehidu, deyzey vuwa ke ibpeinum niw sikandan, ne ipeuman niw pa ipepenabtab.”
Impedsisivey zan is egkeenan: is egkeenan ni Jose, is egkeenan te menge suled din, wey is egkeenan te menge etew zutun he tig-Ehipto. Su is menge tig-Ehipto kenè dan ebpekidtuǥen te menge Hebriyuhanen su utew haazà supak te menge vetasan dan.
Ne hein ebpenekezeg dan en dutun te vuvungan pehendiyà te inged, duen dan nesinuǥung he menge raǥa he ebpuun dutun te inged is ebpemenekezu. Mid-insaan dan haazà is menge raǥa te, “Kayi ve kes menenagnà?”
