Genesis 29:34 - Manobo Western Bukidnon OT

³⁴ Ne mibmeǥingey en maan si Lea, ne mid-anak sikandin te sevaha pa maan he maama. Migkaǥi sikandin te, “Human ad buwa ebmahala te esawa ku su tetelu en is anak dey he maama.” Umbe migngezanan din haazà is batà ki Levi.

Genesis 29:34 교차 참조

Genesis 30:20

Migkaǥi si Lea te, “Utew mahal is imbeǥey kediey te Megbevayà. Edtehuzen ad human te esawa ku su neveǥayan ku en sikandin te heenem he anak he maama.” Umbe migngezanan din haazà is batà te Zebulun.

Genesis 34:25

Kedlevey zutun te tetelu he andew, zutun te kemulu pa egkesekiti is menge maama te kedsirkunsidara kandan, midseled dutun te inged kes dezuwa he menge anak ni Jacob, si Simeon wey si Levi, is menge kakey ni Dina. Wazà metueni te menge etew zutun he mezaat bes is tuyù dan. Mid-uwit dan te ispada ne mibpenhimetayan dan is langun he menge maama zutun.

Genesis 35:23

Is menge anak din diyà te ki Lea ne iyan si Reuben, is kakey, ne sunud si Simeon, si Levi, si Juda, si Isacar, wey si Zebulun.

Genesis 4:1

Ne zutun mid-uvayan ni Adan haazà is esawa zin he si Eva, ne mibmeǥingey sikandin ne mid-anak sikandin te maama, ne ke si Eva te, “Midtevangan a te Nengazen he mekeanak a, umbe egngezanan ku sikandin te Cain.”

Genesis 46:11

Is menge anak he maama ni Levi ne iyan si Gershon, si Kohat, wey si Merari.

Exodus 2:1

Ne zuen maama he kevuwazan ni Levi he nekeesawa te vahi he kevuwazan ded daan ni Levi.