Genesis 29:30 - Manobo Western Bukidnon OT

³⁰ Ne mibpekidhulid si Jacob ki Raquel. Utew minahal ni Jacob si Raquel kenà si Lea. Ne mid-uman en maan si Jacob mebpeniwakà diyà te ki Laban te pitu pa maan he tuig.

Genesis 29:30 교차 참조

Genesis 29:17

Meupiya he ed-ahaan is mata ni Lea, piru edhuna he mekempet wey mezagwey he ed-ahaan is dagwey ni Raquel.

Genesis 29:18

Tenged te egkesuatan ni Jacob si Raquel, migkeǥiyan din si Laban te, “Edterebahu a kayi te kenikew seled te pitu he tuig emun ibpeesawa nu kedì si Raquel.”

Genesis 29:20

Ne zutun, impepeniwakà ni Laban si Jacob taman te pitu he tuig wey zin meesawa si Raquel. Tenged te utew zin nesuati si Raquel henduen te pira zà he andew ziyà te kandin haazà is pitu he tuig.

Genesis 29:29

(Imbeǥey zaan ni Laban si Bilha is suluǥuen din he vahi ziyà te ki Raquel su wey mehimu he suluǥuen din.)

Genesis 29:31

Naahà te Nengazen he kenà mahal ni Jacob si Lea, umbe mibpengelinteuwan din he mekaanak si Lea, piru si Raquel ne kenà.

Genesis 31:15

Mid-isip key zin en he iring te kenè din menge anak. Imbelegyè key zin ne mid-amin din en te egastu is ingkepemasa kenami.

Genesis 31:41

Menge 20 en he tuig is ked-ubpè ku ziyan te keniyu, 14 he tuig is kebpenilbi ku kenikew para kayi te zezuwa he anak nu he menge vahi. Ne mid-uman e pa medterebahu te heenem he tuig te kebekidu te menge uyaǥen nu. Piru hengkey heini is mibeelan nu? Ne kesepulù nu en helhelina is suhul ku.

Genesis 44:20

Ne midtavak key te duen dey iyan amey he meǥurang en utew wey zuen dey pa hazi he in-anak te meǥurang en utew is amey zey. Iyan dà sikandin nesamà te menge anak te iney zin su minatey en is kakey zin. Ne utew sikandin pinelanggà te amey zey.

Genesis 44:27

Ne zutun migkaǥi kenami is suluǥuen nu he amey zey, ke sikandin te, ‘Netuenan niw he zuen dezuwa he maama he in-anak te esawa ku.

Hoseas 12:12

“Mibpelaǥuy si Jacob pehendiyà te Aram, ne midterebahu sikandin te ked-atur te menge uyaǥen su wey zin meesawa is ed-esewaan din.

Deuteronomio 21:15

“Penenglitan duen sevaha he etew he zezuwa is esawa zin ne mahal zin is sevaha ne is sevaha wazè din mahala, ne zuen din menge anak diyà te kandan te zezuwa. Penenglitan is kinekekayan he anak din he maama ne anak duen te wazè din mahala.