Genesis 29:13 - Manobo Western Bukidnon OT

¹³ Hein nezineg ni Laban he zutun si Jacob is enaken din he anak te etevey zin he si Raquel, migègaanan din sinuǥunga. Migkepkepan din ne midhezekan din ne miduma zin diyà te valey zan. Ne ipenudtul ni Jacob ki Laban is langun he nengeulaula.

Genesis 29:13 교차 참조

Genesis 24:29

Is suled din he si Laban dutun daan is ebpemineg te edtudtulen din, he ebpengeǥiyen duen te etew mehitenged kandin. Naahà ni Laban is galunggalung wey sikan is menge rintì diyà te velad te etevey zin he si Rebeka. Umbe mibpelelaǥuy sikandin pehendiyà te kalut ne midhendiyà te etew he migkaǥi ni Rebeka. Diyè ded haazà is etew medhithitindeg te uvey te kalut, duma te menge kemilyu.

Genesis 24:31

Migkeǥiyan sikandin ni Laban te, “Iyan ke ves is midtuvazan te Nengazen. Maan is kayi ke zà edhithitindeg? Laus ka ziyà te valey zey, su mid-endaman dey en sikew te edhizeǥaan nu wey lugar para te menge kemilyu nu.”

Genesis 24:32

Miduma sikandin ki Laban. Hein nekeuma zan en diyà te valey, impenaug ni Laban is menge karga zuen te menge kemilyu, ne impekaan din haazà is menge kemilyu te reǥami wey kumpey. Mid-uwitan din daan te wahig haazà is suluǥuen wey is menge zuma zin, para mekepenlùlù dan te menge paa zan.

Genesis 33:4

Ne si Esau mibpelelaǥuy is edsinuǥung ki Jacob ne migkepkepan din ne midhezekan din, ne nekesineǥew zan is dezuwa.

Genesis 45:15

Ne midhezekan ni Jose is langun he menge kakey zin he edsineǥaw sikandin. Ne zutun human mekepekidlalag kandin is menge suled din.

2 Samuel 19:39

Ne zutun, migkepkepan ni David si Barzilai ne mibpenubtuvazan din. Ne human medrapas si David wey kes langun he menge sakup din dutun te Wahig he Jordan. Ne mid-ulì en daan si Barzilai ziyà te ubpaan din.

Exodus 18:7

Ne tenged kayi midsinuǥung ni Moises is enuǥang din diyà te ǥawas ne midluhud sikandin diyà te etuvangan te enuǥang din wey midhezekan din daan. Ne mibpeinseey sikandan mehitenged te kebpekesavuk te uman sevaha kandan, ne zutun midseled dan diyà te tulda.

Exodus 4:27

Migkaǥi is Nengazen diyà te ki Aaron te, “Hipanew ka ne sinuǥunga nu si Moises diyà te sibsivayan.” Umbe midsinuǥung din si Moises diyà te Buntud te Megbevayà ne midhezekan din si Moises tuus te kegkeǥalew zin.