Genesis 28:11 - Manobo Western Bukidnon OT

¹¹ Ne hein nekeuma sikandin diyà te sevaha he lugar, ne zutun dà sikandin medhizeǥà te haazà he kezukilemi su midsanlep en is andew. Migkuwa sikandin te vatu, ne mid-ulunè din haazà dutun te kedlipezeng din.

Genesis 28:11 교차 참조

Genesis 15:12

Ne hein edsanlep en is andew, Nekelipezeng si Abram he utew nehurep. Ne neǥezam din dutun is utew subra he kegkahandek.

Genesis 28:18

Utew pa zutun meselem te ked-enew ni Jacob. Migkuwa zin haazà is batu he mid-ulunè din, ne impehitindeg din haazà he tedeman din. Mid-itisan din haazà te lana su wey mehimu he segradu.

Genesis 28:19

Migngezanan haazà ni Jacob he lugar te Betel, he ke và dà egkeǥiya, “Baley te Megbevayà.” Piru is inged dutun dengan migngezanan te Luz.

Genesis 31:46

Ne zutun midsuǥù din is menge kezuzumahi zin he medtambù dan te menge vatu. Kebpekepasad dan he edtambù te menge vatu ne zutun dan mebpemengaan.