Genesis 27:46 - Manobo Western Bukidnon OT

⁴⁶ Ne migkeǥiyan dutun ni Rebeka si Isaac te, “Utew ku en igkerasey te ed-isip-isip is tenged kayi te menge esawa ni Esau he menge Hitihanen. Emun iyan ed-esewaan ni Jacob is tig-kayi zed he vahi he Hitihanen, deyzey pa ke ebpatey e en nasì.”

Genesis 27:46 교차 참조

Genesis 28:8

Ne human dutun mesavut ni Esau he kenè bes iyan egkesuatan te amey zin he si Isaac sikan is menge vahi he tig-Canaan.

1 Hadì 19:4

Ne midhendiyà mulà sikandin te sibsivayan he senga andew is hipanew zin. Mibpundu sikandin he ebpimpinuu ziyà te lempek te kayu, ne mid-ampù he mebpatey en sikandin. Migkaǥi sikandin te, “Subre en heini Nengazen! Kuwaa nu en is untung ku, kenà a zeyzey te menge kepuun ku.”

Job 14:13

“He Nengazen, deyzey ke id-eles a kenikew ziyà te lugar te menge minatey taman te egkaawà is pauk nu, ne edteleenen nu is timpu he edtentenuzan a kenikew zutun he lugar.

Job 7:16

Egkeepesan ku heini is kebpekesavuk ku. Ne kenè ku egkesuatan he meuyag-uyag e pa. Bey-ani ad su wazè en pulus kayi te untung ku.

Jonas 4:3

Ne ǥuntaan, deyzey ke edhimetayan ad kenikew, su meupiya pa ke ebpatey a kenà te uuyag a.”

Jonas 4:9

Iyan, migkaǥi is Megbevayà diyà te ki Jonas te, “Dait be he igkepauk nu is kegkeǥangu keniyan te tevayag?” Ne midtavak si Jonas te, “Uya, dait iyan he egkepauk a. Umbe meupiya pa ke ebpatey ad nasì.”

Numero 11:15

Emun iyan heini ebeelan nu kediey ne himetayi ad nasì kenikew ǥuntaan. Emun nekepenunuat a kenikew, ne kenà a kenikew vey-ani he egkerasey!”