Genesis 27:41 - Manobo Western Bukidnon OT

⁴¹ Ne midumutan ni Esau si Jacob tenged te kebpenubtuvazi ki Jacob te amey zin. Nekekaǥi si Esau ziyà te ǥehinawa zin te, “Kenè en utew egkeuǥet ne ebpatey si amà; emun ebpatey en sikandin, edhimetayan ku si Jacob.”

Genesis 27:41 교차 참조

Genesis 27:42

Piru netudtulan si Rebeka te egkeisip ni Esau, umbe mid-umew zin si Jacob ne migkeǥiyan din te, “Is kakey nu he si Esau, iyan ebpekepayùpayù te ǥehinawa zin is egkeisip din he edhimetayan ke zin.

Genesis 32:11

Ne tevangi a ǥuntaan kenikew su wey a kenà mekeizi te kakey ku he si Esau su utew ad egkahandek su kela ke edtebeken e zin, ne ebpesipelahan din is menge esawa ku wey menge anak ku.

Genesis 32:3

Ne zuen menge midsuǥù ni Jacob he impehuna zin diyà te ki Esau ziyà te tanà he Seir, kes lugar he egngezanan daan he Edom.

Genesis 32:6

Ne hein nekelikù is menge midsuǥù ni Jacob, ke sikandan te, “Midhendiyè key te ki Esau, ne migenat en su edsinuǥungen ke zin. Duen din duma he 400 he menge maama.”

Genesis 35:29

Meǥurang en utew sikandin te kebpatey zin, ne in-amur sikandin te menge kepuun din he nemematey en. Inleveng sikandin te menge anak din he si Esau wey si Jacob.

Genesis 37:18

Hein malù pa meziyù si Jose is ebpelingguma, ne naahà sikandin te menge suled din, ne mibpelenuwan dan en sikandin te edhimatey.

Genesis 37:4

Ne hein nesavut te menge kakey ni Jose he mibmahal si Jose te amey zan, kenà sikandan, nepeukan dan si Jose ne layun en memesakit he lalag dan emun ebpekidlalag dan kandin.

Genesis 37:8

Migkaǥi haazà is menge suled din te, “Hengkey? Egkehimu ka edhadì wey ebayàbayà kenami?” Umbe mid-iseg pa is kegkepeuki zan ki Jose.

Genesis 50:15

Ne haazà is menge suled ni Jose, dutun te minatey en is amey zan, pesikaǥi zan te, “Kela ke ebelesan kiw en ni Jose tenged te mezaat he mid-ulaula tew zengan kandin.”

Genesis 50:2

Ne midsuǥù din dutun is menge perebelsamar he belsemara zan is lawa te amey zin. Umbe mibelsamar zan dutun is lawa ni Jacob.

2 Cronica 35:24

Umbe, migkuwa zan sikandin diyà te kerwahi zin, ne ingkarga zan te sevaha pa he kerwahi zin, ne mid-uwit dan diyà te Jerusalem. Minatey sikandin dutun, ne inleveng dan diyà te midlevengan te menge kepuun din. Midlalew para kandin is langun he menge etew ziyà te Juda wey Jerusalem.

Salmo 142:3

Ne emun neewaan ad te perateng, ne heeyan ke zed is ebpekevantey te menge egkengehitavù kedì. Diyà te ibayè ku zuen idtuǥes kedì te menge kuntada ku.

Salmo 35:14

epekeriǥuriǥu a is edlalew he iring te suled ku wey emiǥu ku is igkeseeng ku. Nekezuzungul a is egkeseeng su is kegkeseeng ku kandan iring daan te kegkeseeng te sevaha he etew te iney zin.

Salmo 37:16

Is deisey he azen te metazeng meupiya pa kenà is mahabet he ketiǥeyunan te lalung he menge etew.

Erubasa 1:16

Su utew sikandan meǥaan he ebaal te mezaat wey ebunù te etew.

Erubasa 18:19

Is telesuled he ebpekedsilaǥà utew mereǥen he ibped-uliey te meupiya he gehinawa. Mereǥen pa heini he ebeelan kenà is kedseled te miberengbeng he inged. Iring ded kereǥen te kedrundus te trangka te ǥemawan te turuǥan, mereǥen he edhusayen is dezuwa he telesuled.

Erubasa 6:14

Tenged te kebmesinupaken dan, layun dan ebpelanu te kebaal te mezaat, wey iyan sikandan ebpemuunà te samuk.

Megwewali 7:9

Kenè ka melemu he mepauk, su is kegkepauk ne iyan neleyaman he ed-ul-ulahan te menge tulebung he etew.

Ezekiel 35:5

Neuǥet en is kedumuti niw te menge tig-Israel, ne midsurung niw sikandan dutun te timpu te kelised dan, su timpu haazà te kedsiluti kandan tenged te menge salè dan.

Deuteronomio 34:8

Midlalew is menge Israilihanen tenged ki Moises diyà te menge suǥud te Moab seled te 30 he andew.