Genesis 25:34 - Manobo Western Bukidnon OT

³⁴ Ne zutun mibeǥayan sikandin ni Jacob te sinevawan he tilas. Nekepasad sikandin he egkaan wey ed-inum, ne zutun migenat sikandin. Ne pinaaǥi zutun mid-engkezan ni Esau is ketenged din, he kegkekakey.

Genesis 25:34 교차 참조

Genesis 25:29

Ne sevaha he andew, te kemulu en edhilutù si Jacob te menge tilas he meriǥà, ne nekeulì si Esau is nenuǥes ne utew sikandin nevitil.

Genesis 25:33

Piru midtavak si Jacob te, “Penangdù ka zèpa kedì.” Ne zutun nenangdù si Esau he ibeǥey zin en ki Jacob is ketenged din te kegkekakey.

Genesis 26:1

Ne mid-aǥi en is bitil zutun te lugar he mid-ubpaan ni Isaac, kenà haazà kes bitil te kaazen pa ni Abraham. Midhendiyà si Isaac te ki Abimelec, sikan is hadì te menge Filistihanen he ziyà te inged he Gerar.

Genesis 27:32

Mid-insà si Isaac kandin te, “Hentei ka?” Midtavak sikandin te, “Si Esau a, is kakey he anak nu.”

Salmo 106:24

Ne wazè pa sikandan medseled duen te meupiya he tanà su wazè dan medtuu te saad te Megbevayà.

Megwewali 8:15

Umbe para kediey, iyan meupiya he ed-ul-ulahan te etew is kedlipey kayi te kebpengungubpaan din. Wazà duma he meupiya para kandin kayi te kelibutan, kekenà, iyan is kegkaan, ked-inum wey kedlipey. Pinaaǥi kayi egkeseǥazan din is kelipey zutun te kedterebahu zin seled te tivuuk he untung din he imbeǥey kandin te Megbevayà kayi te kelibutan.

Isaias 22:13

Piru midlipey kew wey midsilibra kew hinuun. Midlapè kew te menge vaka wey menge kerehidu, ne migkaan kew te usa wey mid-inum kew te vinu. Ke sikiyu te, “Egkaan kiw wey edlipey kiw su kela ke mebpatey kiw en keeselem.”

Zacarias 11:13

Migkaǥi is Nengazen kayi te kedì te, “Itaǥù nu heeyan is selapì duen te teleǥuey te selapì diyà te valey ku.” Umbe migkuwa ku haazà is 30 he vuuk he pelata, he mid-isip dan he ereg en he suhul kedì, ne intaǥù ku zuen te teleǥuey te selapì diyà te valey te Nengazen.