Genesis 25:31 - Manobo Western Bukidnon OT

³¹ Ne midtavak si Jacob te, “Wey ku sikew ebeǥayi kayi emun ibeǥey nu kedì is ketenged nu te kegkekakey.”

Genesis 25:31 교차 참조

Genesis 25:30

Ne migkeǥiyan din si Jacob te, “Beǥayi e en kun, ipekaan ad keniyan te sinuba nu he meriǥàriǥà su utew ad egkevitil.” (Ne tenged dutun, egngezanan daan si Esau ki Edom, he ke và dà egkeǥiya, “Meriǥà”.)

Genesis 25:32

Ne midtavak si Esau te, “Uya, su hengkey is pulus te ketenged ku emun ebpatey a te kegkeumes.”

Genesis 27:36

Ne migkaǥi si Esau te, “Ikezuwe en heini te kebinuangi zin kedì. Umba ves Jacob is inngazan kandin. Mid-eǥawan e zin te ketenged te kegkekakey ku, ne ǥuntaan migkuwa zin pa is kebpenubtuvad he para kedì.” Ne zutun mid-isaan din is amey zin te, “Ama, wazè nu en be igkepenuvadtuvad kediey?”

Genesis 32:28

Ne migkaǥi haaza is etew te, “Puun guntaan kenè en maan Jacob is igngazan kenikew, kekenà, Israel en tenged te nekibuteng ka te Megbevayà wey te etew, ne nekezaag ka.”

1 Cronica 5:1

Si Reuben ne iyan kinekekayan he anak ni Israel, ne tenged te mibeelan din he nekidhulid te sevaha zuen te menge esawa te amey zin, ne mid-ewaan sikandin te ketenged din te kegkekakey ne ziyà iveǥey te menge anak te suled din he si Jose. Umbe wazà ilista is kegkekakey zin diyà te listahan te kegkevuwad dan.

1 Cronica 5:2

Ne si Juda, minsan te edhuna sikandin he gemhanan kenà te menge suled din, wey ebpuun te tribu zin is menge pengulu ne in-awà diyà te kandin is ketenged te kegkekakey zin ne ziyà iveǥey te ki Jose.

Deuteronomio 21:16

Ne emun ebehinen din en is menge azen din diyà te menge anak din, kinahanglan he is bahin he para te kinekekayan he anak, ne kenè din iveǥey ziyà te anak duen te vahi he mahal zin. Kinahanglan he ibeǥey zin heini ziyà te kinekekayan he anak din minsan wazè din mahala is iney kayi.

Deuteronomio 21:17

Kinahanglan he egkilelaan din is kegkekakey zuen te kinekekayan he anak din minsan wazè din mahala is bahi he teǥianak duen. Ne ke sengemenu kezekelà is bahin te zuma, ne tekepa zin is ibahin din kandin su iyan sikandin nehuna he anak din ne zuen din ketenged te kedawat te vahin he para te kinekekayan he anak.