Genesis 25:26 - Manobo Western Bukidnon OT

²⁶ Ne hein edlepew en haazà is ikezuwa, ne migewezan din is palu te sereping din, umbe migngezanan dan haazà ki Jacob, he ke và dà egkeǥiya, “Egawed diyà te palu.” Mibpenuiǥen en dutun si Isaac te 60 he tuig te ked-enaka ni Rebeka kayi te sereping.

Genesis 25:26 교차 참조

Genesis 21:5

Ne 100 en is penuiǥen ni Abraham dutun te ked-enaka te anak din he si Isaac.

Genesis 25:20

Menge 40 en is penuiǥen ni Isaac dutun te kebpekeesawa zin ki Rebeka he anak ni Betuel he Aramihanen he tig-Padan Aram. Etevey si Rebeka ni Laban he Aramihanen daan.

Genesis 27:36

Ne migkaǥi si Esau te, “Ikezuwe en heini te kebinuangi zin kedì. Umba ves Jacob is inngazan kandin. Mid-eǥawan e zin te ketenged te kegkekakey ku, ne ǥuntaan migkuwa zin pa is kebpenubtuvad he para kedì.” Ne zutun mid-isaan din is amey zin te, “Ama, wazè nu en be igkepenuvadtuvad kediey?”

Genesis 35:28

Is keluǥayad te untung ni Isaac 180 he tuig.

1 Cronica 1:34

Si Abraham ne amey ni Isaac. Is menge anak ni Isaac ne si Esau wey si Israel.

Hoseas 12:3

Hein diyè pa sikan is kepuun dan he si Jacob te ǥetek te iney zin, egkesuat en sikandin he ebpekidlavew te sereping din. Ne hein midekelè en sikandin, mibpekibuteng sikandin te Megbevayà

Hoseas 12:4

iring te kebpekibuteng din te velinsuǥuen, ne nekezaag sikandin. Midsineǥew sikandin hein ebuyù te penuvadtuvad dutun te velinsuǥuen. Neehè din is Megbevayà diyà te Betel, ne zutun nekidlalag kandin is Megbevayà.

Malakias 1:2

Migkaǥi is Nengazen te, “Mahal ku sikiyu. Piru mid-insè kew pa te, ‘Mibmenumenu key kenikew te ebmahal?’ Tentenuzi niw he minsan te telesuled en si Esau wey si Jacob, mahal ku si Jacob

Numero 20:14

Hein diyè pa te Kadesh is menge Israilihanen, impehendiyà ni Moises is menge menunudtulè din te hadì diyà te Edom. Iyan heini impetudtul ni Moises kandan, “Heini he lalag ebpuun diyà te menge kezuzumahi nu he menge etew te Israel: Netuenan nu is langun he kemeresayan he neeǥiyan dey.

Deuteronomio 23:8

Is menge kevuwazan dan diyà te iketelu he lapis, ne egkehimu en he edtampu ziyà te menge etew te Nengazen.

Josue 24:4

ne si Isaac ne iyan amey ni Esau wey ni Jacob. Imbeǥey ku ki Esau is buvungan te Seir he kandin he vahin, piru is kepuun niw he si Jacob wey is menge anak din ne midhendiyà te Ehipto.