Genesis 25:23 - Manobo Western Bukidnon OT

²³ “Iyan heeyan ebpuunan is dezuwa he vatà he keniyan te getek nu te zezuwa he nasyun. Ne heini is dezuwa he grupu te menge etew ne ebpekuntedehey. Mezesen haazà is sevaha kenà haazà is duma zin. Is kakey egkehimu he suluǥuen te hazi zin.”

Genesis 25:23 교차 참조

Genesis 17:16

Edtuvazan ku sikandin ne ebmeǥingey ne pinaaǥi kandin ibeǥey ku kenikew is anak he maama. Egkehimu sikandin he kepuun te mezakel he menge nasyun, ne is duma he menge kevuwazan din ne egkehimu he hadì.”

Genesis 17:4

“Iyan kebpekid-uyun ku kenikew is: Egkehimu ka he amey te langun he menge nasyun.

Genesis 24:60

Mibpenubtuvazan dan si Rebeka zutun te kegenat din. Ke sikandan te, “Sikew is etevey zey, berakat he liblibuwen is menge kevuwazan nu. Berakat daan he mezaag te menge kevuwazan nu is menge kuntada zan.”

Genesis 25:24

Ne hein mid-anak en si Rebeka, sereping iyan haazà is in-anak din.

Genesis 25:27

Ne hein midekelè en haazà is menge vatà, utew metau si Esau he ebpenuǥes, ne layun sikandin egketalus. Ne si Jacob mulà ne mevented, diyè dà sikandin te menge tulda ed-ubpàubpà su perevantey te uyaǥen.

Genesis 27:29

Berakat he mezakel he menge tribu is egkehimu menge suluǥuen nu, wey edtahud dan kenikew. Berakat he iyan ka mehimu he egalen te menge suled nu, wey medtahud kenikew is menge hazi nu. Berakat he is edrawak kenikew ne iyan merewaki, ne tuvazi mulà is ebpenuvadtuvad kenikew.”

Genesis 27:33

Hein nezineg haazà ni Isaac, migkerker sikandin ne nemensag, “Hentei ves haazà is neketuǥes duen te mid-uwit kayi te kedì he keenen? Beǥu e pa nekepasad he egkaan kayi te kebpekeuma nu. Mibpenubtuvazan ku en sikandin ne kenè ku en egkehimu te edhawì.”

Genesis 27:37

Ne midtavak si Isaac te, “Midhimu ku en he iyan sikandin egalen nu ne is langun he menge kezuzumahi zin ne midhimu ku en he menge suluǥuen din. Impenuvadtuvad ku en diyà te kandin is idsegkayà he egkekaan wey egkeinum. Umbe wazè en egkehimu ku para kenikew?”

Genesis 27:40

Pinaaǥi zà te kebpekidtebek egkekuwa nu is igkeuyag nu, ne egkehimu ka he suluǥuen te hazi nu. Piru emun ed-atu ka kandin, ebpekeǥawas ka te kegkeveyveyai zin kenikew.”

Genesis 32:6

Ne hein nekelikù is menge midsuǥù ni Jacob, ke sikandan te, “Midhendiyè key te ki Esau, ne migenat en su edsinuǥungen ke zin. Duen din duma he 400 he menge maama.”

Genesis 33:3

Ne iyan sikandin midhuna te langun kandan ne kepipitu sikandin medlangkeb diyà te tanà dutun te ked-uvey zin diyà te kakey zin.

Genesis 36:31

Iyan heini sikandan menge hadì diyà te Edom dutun te timpu he wazè pa menge hadì te menge Israilihanen:

Genesis 48:19

Piru midtavak is amey zin te, “Uya, mama, netuenan ku. Is menge kevuwazan ni Manase egkehimu he egkevantug ded daan he menge etew. Piru egkelewanan sikandin ni Efraim su egkehimu he utew bentuǥan is menge kevuwazan din, ne egkehimu sikandan he mezakel he menge grupu te menge etew.”

2 Samuel 8:14

Mibpevaal sikandin te menge kampu ziyà te tivuuk he Edom, ne nehimu he menge sakup din is langun he menge Edomanhen. Impezaag te Nengazen si David minsan hendei sikandin ebpevayà is ebpekidtebek.

1 Hadì 22:47

Dutun he timpu wazà hadì diyà te Edom; iyan dà edumala kayi is pengulu he mibpilì ni Jehoshafat.

1 Cronica 18:13

Mibpevaal si David te menge kampu ziyà te Edom, ne nehimu he menge sakup din is langun he menge Edomanhen. Impezaag te Nengazen si David minsan hendei sikandin ebpevayà is ebpekidtebek.

Obadias 1:21

Edtekezeg is menge menluluwas te Israel ziyà te Buvungan he Zion, su edumelahan dan is menge etew he menge meǥinged diyà te Buvungan ni Esau. Ne siak, is Nengazen, iyan a edhadì.”

Numero 20:14

Hein diyè pa te Kadesh is menge Israilihanen, impehendiyà ni Moises is menge menunudtulè din te hadì diyà te Edom. Iyan heini impetudtul ni Moises kandan, “Heini he lalag ebpuun diyà te menge kezuzumahi nu he menge etew te Israel: Netuenan nu is langun he kemeresayan he neeǥiyan dey.

Deuteronomio 2:4

Keǥiyi nu is menge etew te, “Ebpekevayè kew ziyà te tanà te menge kezuzumahi niw he menge kevuwazan ni Esau, he ziyà ebpemen-ubpà te Seir. Egkahandek sikandan keniyu, piru mebpekevantey kew kandan,

Deuteronomio 2:8

“Midlevayan tew zà is menge kezuzumahi tew he menge kevuwazan ni Esau, he menge meǥinged diyà te Seir. Wazè kiw ziyà mebayà te veyeey he ziyà te Araba, he ebpuun diyà te menge inged he Elat wey Ezion Geber. Ne zutun te kedhipanew tew ziyà te veyeey he ziyà te sibsivayan te Moab,

1 Samuel 17:14

Is kineheziyan ne iyan si David. Ne zutun te keduma zutun te tetelu ziyà te ki Saul te kebpekidtebek,