Genesis 25:20 - Manobo Western Bukidnon OT

²⁰ Menge 40 en is penuiǥen ni Isaac dutun te kebpekeesawa zin ki Rebeka he anak ni Betuel he Aramihanen he tig-Padan Aram. Etevey si Rebeka ni Laban he Aramihanen daan.

Genesis 25:20 교차 참조

Genesis 22:23

Si Betuel, ne zuen anak din he raǥa he si Rebeka. Sikandan is walu ne menge anak ni Nahor ziyà te ki Milca.

Genesis 24:15

Wazè pa zutun sikandin mekepasad he ed-ampù, ne nekeuma si Rebeka he edtiang te umuy. Anak si Rebeka ni Betuel, ne si Betuel anak ni Nahor wey ni Milca. Si Nahor suled ni Abraham.

Genesis 24:29

Is suled din he si Laban dutun daan is ebpemineg te edtudtulen din, he ebpengeǥiyen duen te etew mehitenged kandin. Naahà ni Laban is galunggalung wey sikan is menge rintì diyà te velad te etevey zin he si Rebeka. Umbe mibpelelaǥuy sikandin pehendiyà te kalut ne midhendiyà te etew he migkaǥi ni Rebeka. Diyè ded haazà is etew medhithitindeg te uvey te kalut, duma te menge kemilyu.

Genesis 24:67

Ne miduma ni Isaac si Rebeka ziyà te tulda he mid-ubpaan dengan te iney zin he si Sara. Ne neked-esawa zan ne utew mibmahal ni Isaac si Rebeka. Human maawà is seeng ni Isaac tenged te kebpatey te iney zin.

Genesis 25:26

Ne hein edlepew en haazà is ikezuwa, ne migewezan din is palu te sereping din, umbe migngezanan dan haazà ki Jacob, he ke và dà egkeǥiya, “Egawed diyà te palu.” Mibpenuiǥen en dutun si Isaac te 60 he tuig te ked-enaka ni Rebeka kayi te sereping.

Genesis 27:43

Umbe, mama, pemineǥa nu is egkeǥiyen ku: Pelaǥuy ka ziyà te Haran, diyà te meemahan ku he si Laban.

Genesis 28:2

Penines ka, ne pehendiyè ka te Padan Aram, diyà te apù nu he si Betuel he amey te iney nu. Diyè ka pengesawa te sevaha te menge raǥa he anak ni Laban te meemahan te iney nu.

Genesis 28:7

Ne netuenan din daan he mibpemineg si Jacob te suǥù te amey zin wey iney zin su migenat en pehendiyà te Padan Aram.

Genesis 31:20

Neekalan ni Jacob si Laban is Aramihanen su wazè din keǥiyi he ed-awè dan en dutun.

Genesis 31:24

Ne zutun he kezukilemi, mibpaahà is Megbevayà ki Laban te Aramihanen pinaaǥi te teǥeinep. Migkeǥiyan sikandin te Megbevayà te, “Kenè nu pesipelahi si Jacob.”

Genesis 33:18

Hein neuǥet ne nekeuma sikandan diyà te Canaan puun te Padan Aram he wazà mezaat he neulaula kandan. Nekeuma zan diyà te inged he Shekem. Ne impehitindeg dan dutun is menge tulda zan diyà te uvey zutun te inged.

Genesis 35:26

Is menge anak din diyà te ki Zilpa, sikan is suluǥuen ni Lea he vahi, ne iyan si Gad wey si Asher. Iyan heini sikandan langun menge anak ni Jacob he maama he in-anak diyà te inged he Padan Aram.

Genesis 35:9

Ne zutun te timpu he nekeulì ensi Jacob he ebpuun te Padan Aram, mid-uman en maan mebpaahà is Megbevayà diyà te kandin, ne mibpenubtuvazan din si Jacob.

Genesis 46:15

Iyan heini menge anak wey menge apù ni Jacob he in-anak ni Lea ziyà te inged he Padan Aram. Ne 33 is langun he menge kevuwazan ni Jacob wazà lavet te anak din he vahi he si Dina.

Deuteronomio 26:5

Ne kaǥi kew ziyà te etuvangan te Nengazen he Megbevayè niw te: ‘Is kepuun dey he si Jacob, sevaha he Aramihanen he wazà dengan netendek he ubpeey zin. Midhendiyà sikandin te Ehipto ne mid-ubpà diyà duma te pemilya zin. Deisey zà sikandan dengan, piru te huziyan he timpu mibmahabet sikandan, midekelè dan, ne nehimu zan he mekeǥeǥehem he nasyun.