Genesis 25:18 - Manobo Western Bukidnon OT

¹⁸ Diyà med-ubpà is menge kevuwazan din te menge inged he ebpuun te Havila pehendiyà te Shur, he zapit te edsilaan te Ehipto pehendiyà te Asiria. Ne migkuntada zan is langun he menge kezuzumahi zan he kevuwazan ni Ishmael.

Genesis 25:18 교차 참조

Genesis 10:29

Ofir, Havila, wey Jobab. Heini is langun, ne menge anak ni Joktan.

Genesis 10:7

Si Cush ne zuen din menge anak he iyan heini si Sheba, Havila, Sabta, Raama, wey si Sabteca. Ne iyan heini menge anak ni Raama, si Sheba wey si Dedan.

Genesis 13:10

Ne zutun mibpememantew si Lot ne neehè din he utew meupiya haazà is tanà he uvey te Suǥud he Jordan su mezakel is menge wahig dutun te zapit te inged he Zoar. Iring haazà te pemuleey te Eden sikan is pemuleey zengan te Nengazen wey iring daan te tanà he Ehipto. (Ne zutun he timpu wazè pa dèdeeti te Nengazen is menge inged he Sodom wey Gomora.)

Genesis 14:10

Ne haazà is Suǥud he Sidim, mezakel is menge vudsi zutun he nepenù te merumiket he espaltu. Ne nengezaag is menge sundaru te hadì te Sodom wey Gomora, ne hein mibpelaǥuy zan, nengeulug is duma kandan diyà te menge vudsi, is duma, ne mibpelaǥuy zan diyà te menge vuvungan.

Genesis 16:12

Ne heini is anak nu, iring sikandin keuzemà te asnu he leew su kenà ebpevayàbayà te minsan hentei. Ebpekigkuntada sikandin te minsan hentei ne egkuntedahan daan sikandin te langun. Minsan is langun he menge kezuzumahi zin, egkuntedahan din pa.”

Genesis 16:7

Ne zutun naahà si Hagar te velinsuǥuen te Nengazen diyà te uvey te serebseb he ziyà te sibsivayan. Iyan haazà sikan is serebseb he ziyà te zalan pehendiyà te inged he Shur.

Genesis 2:11

Is ngazan te nehuna he wahig ne Pishon. Iyan haazà sikan is wahig he ziyà edtudà te tivuuk he tanà he Havila he zutun duen egkaahà he vulawan.

Genesis 20:1

Ne zutun midlaus medhipanew ensi Abraham ne midhendiyè dan te tanà he Negev. Ne ziyè dan med-ubpà te pid-elangan te inged he Kadesh wey Shur. Ne hein neuǥet midhalin si Abraham diyà te inged he Gerar.

Genesis 21:14

Meselem pa utew zutun te sunud he andew, migkuwa si Abraham te egkeenen wey lundis he teleǥuey te wahig, ne imbeǥey zin ki Hagar. Ne impevava zin haazà ne impeǥenat din haazà is bahi wey is batà. Ne migenat en dutun si Hagar ne midriǥuriǥu ziyà te sibsivayan te Beersheba.

2 Hadì 23:29

Hein edhadì pa si Josia, si Faraon Neco he hadì te Ehipto midhendiyà te Wahig he Eufrates su edtevangan din is hadì te Asiria. Ne migenat si Hadì Josia wey is menge sundaru zin su ebpekidtebek dan ki Neco, piru midhimetayan sikandin ni Neco hein neked-uma zan diyà te Megido.

1 Cronica 1:23

Ofir, Havila, wey Jobab. Heini is langun, ne menge anak ni Joktan.

Salmo 78:64

Nemematey te tebek is menge memumuhat dan, ne is nengevalu he menge esawa zan ne wazè en mekelalew para kandan.

Exodus 15:22

Ne puun dutun te Zaǥat he Meriǥà, miduma ni Moises is menge Israilihanen pehendiyà te sibsivayan he Shur. Ne seled te tetelu he andew is kedhipanew zan dutun te sibsivayan ne wazà wahig he neturedu zan.

Ezekiel 23:23

Heini sikandan iyan is menge tig-Babilonia wey menge tig-Caldea he ebpuun diyà te Pekod, Shoa, Koa, wey menge tig-Asiria. Heini he menge tig-Asiria menge mezagwey wey menge vetan-en he menge maama. Is duma kandan menge kepitan, menge peremandar, menge upisyal te ebpemen-untud te kerwahi wey zuma pa he lavew he menge upisyal. Ne nemen-untud sikandan te kudà.

1 Samuel 15:7

Ne midsurung eni Saul is menge Amalikanhen puun te Havila taman te Shur, he zapit te edsilaan te Ehipto.