Genesis 24:63 - Manobo Western Bukidnon OT

⁶³ Duen timpu zutun ne malù en merusirem, migawas sikandin te valey ne midriǥuriǥu. Duen nepantew zin he kemilyu he ebpelingguma.

Genesis 24:63 교차 참조

Genesis 18:2

Mibpememantew si Abraham ne neehè din is tetelu he maama ziyà te uvey. Ne zutun te kegkaahaa zin, migaanggaan medsinuǥung ne midlangkeb diyà te tanà su edtahud.

Genesis 24:64

Hein nepantew ni Rebeka si Isaac, midrenà sikandin dutun te kemilyu zin

Salmo 1:2

Kekenà, iyan mulà kandin he igkelipey is kedtuman te menge penurù te Nengazen, ne iyan heini ebpurungan din egngunngunua te maandew wey te mezukilem.

Salmo 104:34

Berakat he igkelipey zin is kebpurunga ku ked-is-isipa kayi te langun. Igkelipey ku is Nengazen.

Salmo 119:15

Egngunngunuen ku is menge sulunuzen he ibpesunud nu, ne ebpurungan ku ed-is-isipa is menge paaǥi nu.

Salmo 119:27

Ipesavut nu kedì is menge sulunuzen he ibpesunud nu, su para mengunùngunù ku is egkein-inuwan he menge vaal nu.

Salmo 119:48

Midtahud ku wey mibmahal ku is menge suǥù nu, ne egngunngunuen ku is menge sulunuzen he ibpesunud nu.

Salmo 145:5

Egngunngunuen ku is kegkelavew wey kegkemekeǥeǥehem nu, wey is igkeinuinu he menge vaal.

Josue 1:8

Kenè nu lipati te ebasa is Libru te Kesuǥuan. Ne purungi nu ngunngunua maandew wey mezukilem su para metueni nu ke ebmenmenuwen te edtuman is langun he ingkesurat kayi. Su pinaaǥi kayi ebmeuswaǥen ka wey ebmelempusen.