Genesis 24:56 - Manobo Western Bukidnon OT

⁵⁶ Piru migkaǥi haazà is suluǥuen te, “Kenà a keniyu senggena. Midhimu en te Nengazen he metuman is tuyù ku kayi, umbe ipeulì e en keniyu ziyà te egalen ku.”

Genesis 24:56 교차 참조

Genesis 24:40

Midtavak sikandin te, ‘Is Nengazen he iyan ebpezumdumahan ku layun, edsuǥuen din is belinsuǥuen din he ibpezuma kenikew ne ebpengelinteuwan din para mehimu is tuyù nu ziyan, ne ebpekeehè ka te ed-esawaan te anak ku ziyà te menge kezuzumahi ku he menge kevuwazan te amey ku.

Genesis 24:54

Ne zutun, migkaan haazà is suluǥuen wey sikan is menge zuma zin. Ne zutun dan en mekehizeǥà te haazà he kezukileman. Ne hein nepawà mid-enew zan ne migkaǥi haazà is suluǥuen te, “Ed-ulì ad guntaan diyà te egalen ku.”

Genesis 24:57

Ne midtavak sikandan te, “Ed-umawen tew zèpa si Rebeka, ne ed-insaan tew sikandin ke hengkey is egkesuatan din.”

Genesis 30:25

Hein in-anak en ni Raquel si Jose, migkeǥiyan ni Jacob si Laban te, “Tuǥuti e en human he mekeulì a ziyà te inged dey.

Erubasa 25:25

Is kebpemineg te meupiya he tudtulanen he ebpuun diyà te meziyù, ne iring te ked-inum te meǥenew he wahig emun egkemazahan ki.

Isaias 48:15

Iyan a mismu migkaǥi wey mid-umew kayi te emiǥu ku. Edsuǥuen ku sikandin ne edlampus sikandin te ebeelan din.

Josue 1:8

Kenè nu lipati te ebasa is Libru te Kesuǥuan. Ne purungi nu ngunngunua maandew wey mezukilem su para metueni nu ke ebmenmenuwen te edtuman is langun he ingkesurat kayi. Su pinaaǥi kayi ebmeuswaǥen ka wey ebmelempusen.