Genesis 21:33 - Manobo Western Bukidnon OT

³³ Mibpemula si Abraham te sengepuun he kayu he tamarisko ziyà te Beersheba ne mid-azap din dutun is Nengazen, he iyan kes wazà pidtemanan he Megbevayà.

Genesis 21:33 교차 참조

Genesis 12:8

Ne midlaus pa ensi Abram pehendiyà te vuvungan he ziyà te zapit te edsilaan te inged he Betel ne zutun din ipehitindeg is tulda zin. Diyà te zapit din te edsenlepan is inged he Betel wey ziyà te zapit te edsilaan is inged he Ai. Ne zutun mid-uman si Abram mebaal te pemuhatà ne mibpengumew-umew zin is Nengazen.

Genesis 21:32

Hein nepasad dan haazà is kesebutan dan diyà te Beersheba, migenat en si Abimelec duma ki Ficol, is pengulu te menge sundaru zin, ne mid-ulì dan diyà te tanè dan te menge Filistihanen.

Genesis 26:23

Ne puun dutun, midhalin si Isaac diyà te Beersheba.

Genesis 26:25

Umbe mibaal si Isaac dutun te pemuhatà ne mid-azap te Nengazen. Impehitindeg din dutun he lugar is tulda zin ne impevangbang din is menge suluǥuen din te kalut.

Genesis 26:33

Migngezanan ni Isaac haazà te Siba. Umbe taman en guntaan iyan ngazan dutun is Beersheba.

Genesis 4:26

Ne hein neuǥet, nevuwad daan si Set te maama ne migngezanan din ki Enosh. Iyan haazà timpu zengan he ebpuunan te menge etew is paaǥi te ked-azap he egemiten is ngazan te Nengazen dutun te kebpengumew-umew zan.

Salmo 90:2

Hein wazà nu pa limbaǥa is menge vuntud wey is kelibutan, ne Megbevayè ke en, ne iyan ka ǥihapun Megbevayà te wazà pidtemanan.

Salmo 93:2

Is kedhadì nu puun pa te puunà, su zaan ke en hein wazè pa is kelibutan.

Exodus 15:18

Edhadì ka, Nengazen te wazà pidtemanan.”

Isaias 40:28

Wazè niw ve metueni wey mezineg he is Nengazen iyan kes wazà pidtemanan he Megbevayà he midlimbag te tivuuk he kelibutan? Kenè sikandin egkeveley wey edluyahan, ne wazà ebpeketegkad te isip din.

Isaias 57:15

Iyan daan heini egkeǥiyen te Utew Lavew he Megbevayà, kes Waǥas he Megbevayà he wazà pidtemanan te untung din: “Diyà a ed-ubpà te metikang wey segradu he lugar, piru ed-ubpa a zaan duma te menge etew he kenà ebpelavew wey mid-iniyug te mezaat he ulaula su wey ku sikandan melig-eni.

Jeremias 10:10

Piru iyan is Nengazen tutuu he Megbevayà. Iyan sikandin uuyag he Megbevayà ne Hadì sikandin te wazà pidtemanan. Emun egkepauk sikandin, egkehuyung is kelibutan ne ed-eles is diyà te menge nasyun.

Amos 8:14

Sikiyu is ebpenangdù pinaaǥi te ngazan te menge ed-ezapen diyà te Samaria, Dan, wey Beersheba, edezeetan kew ne kenè kew en ebpekeenew pa.”

Habakuk 1:12

Migkaǥi si Habakuk te, “He Nengazen, Megbevayè ka puun te nehuna. Iyan ka waǥas he Megbevayè ku ne wazè nu kemetayen. He Nengazen he iring te endilungà he vatu, mibpilì nu is menge tig-Babilonia te kedsilut kenami.

Deuteronomio 16:21

“Kenè kew pehitindeg te tukud he simbulu zuen te vahi he ed-ezapen he si Ashera ziyà te avey te pemuhatà he ebeelan niw he para te Nengazen he Megbevayè niw,

Deuteronomio 32:40

Guntaan ibayew ku is menge velad ku duma is kegkaǥi te, ‘Iring te uuyag a te wazà pidtemanan, ne kenà daan duwazuwa he egkemengaan ku is egkindab he ispada ku ne egemiten ku heini te kedsilut; ebelesan ku is menge kuntada ku wey edsukutan ku is ebpemendumut kediey.

Deuteronomio 33:27

Iyan eputè niw is wazà pidtemanan he Megbevayà; edlig-enan kew zin pinaaǥi te gehem din he wazà pidtemanan. Ibpesegseg din keniyu is menge kuntada niw, ne edsuǥuen kew zin te kedezaat kandan.

Zatù 3:7

Mezaat is mibeelan te menge Israilihanen diyà te etuvangan te Nengazen, su midlipatan dan is Nengazen he Megbevayè dan, ne mid-azap dan is menge ledawan ni Baal wey ni Ashera.