Genesis 21:22 - Manobo Western Bukidnon OT

²² Ne zutun he timpu, midhendiyà si Abimelec te ki Abraham wey is pengulu te menge sundaru zin he si Ficol. Migkeǥiyan ni Abimelec si Abraham te, “Netuenan dey iyan he edtevangan ka te Megbevayà te langun he ed-ul-ulahan nu.

Genesis 21:22 교차 참조

Genesis 20:14

Ne zutun in-ulì ni Abimelec si Sara ziyà te ki Abraham, ne mibeǥayan din si Abraham te menge kerehidu, baka, wey menge uripen he maama wey vahi.

Genesis 20:17

Tenged te kegkuwaa ni Abimelec ki Sara, mibpengelinteuwan te Megbevayà he kenà mekaanak is langun he menge vahi zutun te valey zin. Umbe mid-ampù si Abraham diyà te Megbevayà, ne mibpengelinteuwan te Megbevayà he meulii si Abimelec te zaru zin wey is esawa zin wey is menge uripen din he vahi su wey zan mekeuman mekaanak.

Genesis 20:2

Hein dutun dan en, ne migkeǥiyan din is menge etew he etevey zin si Sara. Umbe impaangey ni Hadì Abimelec he hadì te Gerar si Sara su ed-esewaan din.

Genesis 26:26

Midhendiyà si Hadì Abimelec he ebpuun te Gerar ne miduma zin is sumesambag din he si Ahuzat wey sikan is egalen te menge sundaru zin he si Picol.

Genesis 26:28

Ne midtavak dan te, “Nesavut dey he is Nengazen eduma kenikew, umbe neisip dey he kinanahanglan he edhimu kiw te kebpekid-uyun duma zutun is penangdù. Penaad ka kenami

Genesis 28:15

Tentenuzi nu he layun a eduma kenikew wey ebentayan ku sikew minsan hendei ka ebpevayà. Ibpelikù ku sikew kayi he tanà, ne kenè ku sikew ed-ewaan taman te egketuman ku is menge saad ku kenikew.”

Genesis 30:27

Midtavak si Laban te, “Emun meupiya zà is gehinawa nu, ne zini ke pa ubpà. Su sumalà te kebarè ku, netuenan ku he midtuvazan a te Nengazen pinaaǥi kenikew.

Genesis 31:5

Migkeǥiyan din sikandan te, “Neǥezam ku he nahalin en is gehinawa zin kedì guntaan kenà te nehuna. Piru is Megbevayà te amey ku iyan edtavang kedì.

2 Samuel 24:7

Ne midhendiyè dan te vinerengbeng he inged he Tyre wey langun he menge inged te menge Hitihanen wey Canaanhen. Ne te neipus dan dutun, midhendiyè dan te Beersheba, he zapit te zivavà te Juda.

2 Cronica 1:1

Nehimu he utew melig-en is kedhadì ni Solomon he anak ni David diyà te ginhedian din su miduma kandin is Nengazen he Megbevayè din, wey midhimu zin sikandin he utew gehemanen.

Isaias 45:14

Migkeǥiyan te Nengazen is Israel te, “Egkehimu he sakup nu is menge tig-Ehipto wey menge tig-Etiopia, ragkes en is menge tig-Seba he memelangkew is menge maama kandan. Edhendiyà sikandan te kenikew he ed-uwit te menge ketiǥeyunan dan wey menge pruduktu. Egkehimu sikandan he menge vihag nu. Edluhuzan ke zan duma is kebpehizuhizu he egkaǥi te, ‘Tutuu he nekiduma kenikew is Megbevayà ne iyan dà sikandin Megbevayà!’ ”

Isaias 8:10

Ke hengkey is pelanu niw he ebpekesuǥat kenami, kenà heini ebmezeeǥen, su zuma zey is Megbevayà.

Zacarias 8:23

Dutun he timpu, sepulù he etew he ebpuun diyà te nekedseselekawà he menge nasyun wey kineǥiyan is edhendiyà te sevaha he Judio he egkaǥi te, ‘Ipezuma key kenikew, su nezineg dey he nekiduma keniyu is Megbevayà.’ ”

Josue 3:7

Ne zutun migkaǥi is Nengazen diyà te ki Josue te, “Guntaan he andew ebpuunan ku is kebeǥey kenikew te zengeg diyà te etuvangan te menge etew te Israel, ne egketuenan dan he ebpekiduma a kenikew iring te kebpekiduma ku ki Moises.

1 Samuel 24:22

Ne zutun mibpesarig si David. Ne mid-ulì si Saul, piru si David mulà wey is menge sakup din ne midlikù dan dutun te elesey zan.

1 Samuel 3:19

Hein dekelè en si Samuel pedayun is kegiyahi kandin te Nengazen; ne minsan hengkey is egkeǥiyen ni Samuel mibpengelinteuwan te Nengazen he metuman.