20-21 Ne midtuvazan te Megbevayà haazà is batà ne midekelà, ne ziyà med-ubpà te sibsivayan te Paran. Nehimu sikandin he mememanà. Ne zutun impeesawa sikandin te iney zin te vahi he Ehiptohanen.
Nevantug si Nimrod he mengenganup tenged te intuǥut haazà kandin te Nengazen. Ne tenged dutun, duen layun dan egkekaǥi zengan he ke sikandan te, “Iring ki Nimrod is utew nevantug he mengenganup su iyan intuǥut kandin te Nengazen.”
Ne heini is anak nu, iring sikandin keuzemà te asnu he leew su kenà ebpevayàbayà te minsan hentei. Ebpekigkuntada sikandin te minsan hentei ne egkuntedahan daan sikandin te langun. Minsan is langun he menge kezuzumahi zin, egkuntedahan din pa.”
Ne si Ishmael zaan, ebpemineǥen ku is hangyù nu mehitenged kandin. Edtuvazan ku zaan sikandin ne edhimuwen ku he mezakel is menge kevuwazan din. Egkehimu sikandin he amey te 12 he menge pengulu, ne is menge kevuwazan din egkehimu he utew egkevantug he menge etew.
Ne hein midekelè en haazà is menge vatà, utew metau si Esau he ebpenuǥes, ne layun sikandin egketalus. Ne si Jacob mulà ne mevented, diyè dà sikandin te menge tulda ed-ubpàubpà su perevantey te uyaǥen.
Tentenuzi nu he layun a eduma kenikew wey ebentayan ku sikew minsan hendei ka ebpevayà. Ibpelikù ku sikew kayi he tanà, ne kenè ku sikew ed-ewaan taman te egketuman ku is menge saad ku kenikew.”