Genesis 19:29 - Manobo Western Bukidnon OT

²⁹ Wazà melipati te Nengazen is kebpekid-uyun din diyà te ki Abraham, su zutun te kedèdeeti zin te menge inged diyà te suǥud he zutun med-ubpà si Lot, impepelaǥuy zin si Lot su wey kenà meragkes.

Genesis 19:29 교차 참조

Genesis 11:27

Iyan heini guǥud mehitenged te pemilya ni Tera. Si Tera, iyan amey eni Abram, si Nahor, wey si Haran. Ne si Haran, ne nevuwad sikandin ki Lot.

Genesis 12:2

“Edhimuwen ku is menge kevuwazan nu he utew zekelà he nasyun. Ne edtuvazan ku sikew ne edhimuwen ku he utew mevantug is ngazan nu. Ne pinaaǥi zaan kenikew, edtuvazan ku is mezakel he menge etew.

Genesis 30:22

Si Raquel ne wazà daan melipati te Megbevayà. Midtavak din daan is pengemuyù din he mekaanak daan sikandin.

Genesis 8:1

Wazà melipati te Megbevayà si Noe wey is duma zin he menge langgam he zutun te seled te arka. Umbe impepengeramag din kayi te kelibutan ne midnaneynaney mebmevavew is wahig.

Nehemias 13:14

Ne zutun mid-ampù a, ke siak te, “He Megbevayè ku, tentenuzi a wey kenè nu lipati is menge meupiya he mibeelan ku para te valey nu wey te menge vuluhaten kayi.”

Nehemias 13:22

Ne mibmenduan ku is menge Levihanen he mebpekelumpiyu zan, ne ventayi zan is menge pultahan su para isipa te menge etew he segradu he andew is Andew te Kedhimeley. Ne zutun mid-ampù a, ke siak te, “He Megbevayè ku, is-isipa nu heini is mibeelan ku, ne kehizuwi a kenikew sumalà te kezekelà te gaǥew nu.”

Job 35:8

Iyan dà egkeipiktuwan te meupiya etawa mezaat he vaal nu is iring nu he etew.

Salmo 105:42

Ne mibeelan heini te Megbevayà is langun su wazè din lipati sikan is insaad din diyà te ki Abraham te suluǥuen din.

Salmo 105:8

Edtentenuzan din layun is kebpekid-uyun din. Kenè din edlipatan is menge saad din taman te taman

Salmo 106:4

Nengazen, elin a kenikew tentenuzi emun edtevangan nu is menge etew nu; ne libriya a zaan ke edlibriyen nu sikandan,

Salmo 136:23

Netenuzan kiw zin hein kenà meupiya is kebpekesavuk tew. Wazà pidtemanan te ǥaǥew zin.

Salmo 145:20

Binentayan nu layun is langun he etew he mibmahal kenikew, iyan, edezeetan nu mulà is langun he menge lalung.

Salmo 25:7

Ne kenè nu en tentenuzi is menge salà he neveelan ku hein betan-en e pa. Tenged te ǥaǥew nu, tentenuzi a, Nengazen, su wey nu ikepaahà is keupiya nu.

Ezekiel 14:16

Minsan pa ke ziyà te kandan si Noe, si Daniel, wey si Job, ne nenangdù a is uuyag he Nengazen he MEGBEVAYÀ, he kenè dan egkelibri is menge kevuwazan dan, kekenà, iyan dà sikandan egkelibri. Ne haazà is nasyun egkehimu he mekevulungbulung.

Hoseas 11:8

“Sikiyu is menge tig-Israel, kenè ku egkehimu is kedselikwey wey kebey-ani keniyu. Kenè ku egkehimu is kebpurungi kedezeeti keniyu iring te mibeelan ku ziyà te inged he Adma wey Zeboyim. Utew ebmesakit is gehinawa ku emun ebeelan ku heini ziyà te keniyu. Nehizuwan ku sikiyu.

Deuteronomio 7:8

Mibpilì kew zin su geina te mahal kew zin wey edtumanen din is penangdù din diyà te menge kepuun niw. Umbe impeǥawas kew zin diyà te Ehipto pinaaǥi te zekelà he ǥehem din, ne migaud kew zin puun te kegkeuripena keniyu te Faraon he hadì te Ehipto.

Deuteronomio 9:27

Kenè nu en seǥipaa is kesinupaken, kegkezaat, wey is menge salà kayi he menge etew, kekenà, tentenuzi nu is menge suluǥuen nu he si Abraham, si Isaac, wey si Jacob.

Deuteronomio 9:5

Egkaangken niw is menge tanè dan, kenà tenged te ketazeng niw wey keupiya niw, kekenà, tenged te kelelalung dan, wey para metuman te Nengazen is impenangdù din diyà te menge kepuun niw he si Abraham, si Isaac, wey si Jacob.