28 Ne mibpememantew sikandin diyà te Sodom wey Gomora wey ziyà te tivuuk he suǥud. Ne neehè din is dekelà he evel he ebpuun dutun te tanà he iring te evel te selsalan.
Ne neselikuvungan te evel haazà is Buntud he Sinai su mibulus is Nengazen dutun pinaaǥi te hapuy. Midlipuwak is evel zutun he iring te evel te utew zekelà he rapug, ne nehuyung haazà is tivuuk he vuntud,
Piru hentei vuwa is ebpekaantus dutun te andew te kebpekeuma zin? Hentei vuwa is ebpekehimu he ed-etuvang kandin emun ebpekelepew en? Su iring sikandin te hapuy he idlunsey te vulawan wey sabun he utew ebpekeimu te vuring.
