Genesis 19:15 - Manobo Western Bukidnon OT

¹⁵ Ne hein egkeriwaswas en, impeǥaangaan en si Lot dutun te zezuwa he velinsuǥuen he med-awè dan en dutun te inged, ke sikandan te, “Gaanggaan ka! Genat ke en, dumaha nu is esawa nu wey is menge anak nu he raǥa, su kela ke mekeragkes kew kayi te kedlimasa kayi te inged, tenged te utew meremerik he ulaula te menge etew kayi.”

Genesis 19:15 교차 참조

Genesis 19:14

Ne zutun mibeyaan ni Lot is menge maama he nekekaǥun te menge anak din, ke sikandin te, “Kuwa kew en su ebpelaǥuy kiw kayi su edlimasen en te Nengazen heini is inged tew.” Piru wazè dan mebpemineg su kunaan dan ke suyat dà haazà ni Lot.

Genesis 19:16

Ne minsan pa zutun midlanganlangan pa si Lot. Ne tenged te nehizuwan sikandan te Nengazen, migewezan sikandan duen te menge velinsuǥuen diyà te zezuwa he velad dan, su wey zan mekeǥawas dutun te inged.

Genesis 19:17

Ne hein diyè dan en te ǥawas, migkaǥi is sevaha he velinsuǥuen diyà te ki Lot te, “Pelaǥuy kew en! Kenè kew lilingey wey kenè kew teren kayi te menge suǥud. Diyè kew petandang te menge vuvungan para kenè kew meragkes mepatey.”

Genesis 19:22

Sigi, pelaǥuy kew. Hendiyan kew en, su wazà egkehimu ku taman te kenè kew pa ebpekeuma zutun.” Ne tenged dutun, egngezanan haazà is inged te Zoar, he ke và dà egkeǥiya, “Deisek.”

Salmo 94:23

Edsilutan nu wey edèdeetan nu sikandan tenged te menge salè dan. Nengazen, he Megbevayè dey, edèdeetan nu sikandan.