Genesis 18:17 - Manobo Western Bukidnon OT

¹⁷ Ne migkaǥi is Nengazen diyà te ǥehinawa zin te, “Kenè ku id-eles ki Abraham is ebeelan ku.

Genesis 18:17 교차 참조

Genesis 18:21

Umbe edhendiyà a su ed-ahaan ku is menge ulaula zan ke utew subra he mezaat he iring te nezineg ku, su kinahanglan he egketuenan ku.”

Genesis 18:22

Ne zutun migenat is dezuwa he menge maama su edhendiyè dan te Sodom, piru si Abraham, diyè ded edhithitindeg te etuvangan te Nengazen.

Genesis 18:26

Ne midtavak dutun is Nengazen te, “Emun duen egkeehè ku he 50 he menge metazeng he etew zutun te inged, kenè ku edèdeetan is tivuuk he inged tenged dutun te 50.”

Genesis 19:24

Segugunà mibpeuzan is Nengazen te egkeregreg he esupri ziyà te inged he Sodom wey Gomora.

2 Hadì 4:27

Piru hein nekeume en sikandin diyà te ki Elisha zutun te vuvungan, midluhud sikandin is egawed diyà te paa ni Elisha. Mid-uvey si Gehazi su ebpekasen din haazà is bahi, piru migkaǥi si Elisha te, “Bey-ani nu en sikandin! Su nereǥenan sikandin, piru wazà keǥiya te Nengazen kedì ke maan.”

2 Cronica 20:7

He Megbevayè dey, kenè be is menge meǥinged kayi he tanà impesegseg nu te menge etew nu he menge Israilihanen? Kenè be imbeǥey nu heini he tanà kandan te menge kevuwazan ni Abraham he emiǥu nu, su wey zan maangken heini taman te taman?

Salmo 25:14

Nengazen, utew nu emiǥu is menge etew he edtahud kenikew ne ibpetentenuzan nu kandan is kebpekid-uyun nu kandan.

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.