Genesis 18:15 - Manobo Western Bukidnon OT

¹⁵ Ne mibarew zutun si Sara tenged kegkahandek din he egkaǥi te, “Wazà a med-engit!” Ne midtavak is Nengazen te, “Mid-engit ka iyan.”

Genesis 18:15 교차 참조

Genesis 12:13

Keǥiya nu he etevey ku sikew su wey e zan mepurungi tenged kenikew ne kenè e zan edhimetayan tenged te etevey ku sikew.”

Genesis 18:14

Ne mid-uman megkaǥi is Nengazen te, “Duen be minsan hengkey he kenà egkehimu te Nengazen? Sumalà is migkaǥi ku, edlikuan ku sikiyu seled te senge tuig ne ed-anak iyan dutun si Sara te maama.”

Genesis 18:16

Ne migenat en dutun haazà is tetelu he maama. Inhated sikandan ni Abraham taman te nepantew zan is inged he Sodom.

Genesis 4:9

Ne mid-insaan te Nengazen si Cain te, “Hendei is hazi nu he si Abel?” Ne midtavak si Cain te, “Hanew ta. Bantey e ve te hazi ku?”

Job 2:10

Midtavak si Job te, “Wazà pulus keniyan te egkeǥiyen nu. Su kinahanglan he kenà iyan te zà edewaten diyà te Megbevayà is meupiya, kekenà, elin ta edewaten is mezaat.” Minsan pa te iyan haazà nehitavù ki Job piru wazà sikandin mekesalà pinaaǥi te kegkaǥi te mezaat.

Salmo 44:22

Iyan, tenged te kedtuu zey kenikew, ne layun key en ebpemiligru te kemetayen. Iring key te kerehidu he para edlepaan.

Erubasa 12:19

Is menge lalag he tutuu kenà egkaawà te wazà pidtemanan, iyan, is lalag he tarù meǥaan dà egkahanew.

Erubasa 28:13

Is etew he id-eles din is menge salè din ne kenà ed-uswag, iyan, is etew he idtug-an din wey ed-engkezan din te ed-ulaula is menge salè din, igkehizu sikandin te Megbevayà.