Genesis 14:22 - Manobo Western Bukidnon OT

²² Ne midtavak si Abram te, “Ebpenangdù a kayi te etuvangan te Nengazen, te Utew Lavew he Megbevayà he iyan nenlimbag te langit wey tanà.

Genesis 14:22 교차 참조

Genesis 14:21

Ne zutun migkeǥiyan si Abram duen te hadì te Sodom te, “Is langun he menge azen dey he nahawì nu ne kenikew en, piru egkuwaan ku zed is langun he menge sakup ku.”

Genesis 17:1

Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.

Genesis 21:33

Mibpemula si Abraham te sengepuun he kayu he tamarisko ziyà te Beersheba ne mid-azap din dutun is Nengazen, he iyan kes wazà pidtemanan he Megbevayà.

2 Samuel 2:5

midsuǥù sikandin diyà te ibpepenudtul ziyà te kandan he egkaǥi te, “Berakat he tuvazi kew te Nengazen te impeehè niw he zekelà is kedmahal niw ki Saul te egalen niw pinaaǥi te kedlevenga niw kandin.

2 Hadì 5:16

Ne midtavak si Elisha he ebpeneuven te, “Nenangdù a ziyà te Nengazen he edsilbiyan ku, he kenà a edawat te gasa.” Midteǥel sikandin ni Naaman he zewata zin haazà is gasa, piru wazè din dewata.

1 Cronica 29:11

Gemhanan ka, telehuzen ka, dungganen wey ereg he edeliǥen. Su kenikew is langun diyà te langit wey zini te tanà. Iyan ka hadì, he Nengazen, wey lavew ka te langun.

Salmo 144:11

Luwasa a te ǥehem te menge kuntada he lumelengyawà, he kenà egkaǥi te tutuu ne edtarùtarù minsan ebpengulivet.

Salmo 144:8

Wazà tutuu he egkeǥiyen dan. Ne minsan edsesapà sikandan, ne tarù is egkeǥiyen dan.

Salmo 24:1

Is kelibutan wey is langun he ed-ubpà kayi, ne gaked te Nengazen.

Salmo 83:18

Berakat he metueni zan he iyan ka, Nengazen, he iyan dà Utew Lavew he Megbevayà kayi te tivuuk he kelibutan.

Exodus 6:8

Ne ziyè ku sikiyu ed-uwita te tanà he insaad ku he ibeǥey ku ziyà te ki Abraham, ki Isaac, wey ki Jacob. Ibeǥey ku haazà keniyu, ne egkaangken niw en. Iyan a sikan is Nengazen.’ ”

Isaias 57:15

Iyan daan heini egkeǥiyen te Utew Lavew he Megbevayà, kes Waǥas he Megbevayà he wazà pidtemanan te untung din: “Diyà a ed-ubpà te metikang wey segradu he lugar, piru ed-ubpa a zaan duma te menge etew he kenà ebpelavew wey mid-iniyug te mezaat he ulaula su wey ku sikandan melig-eni.

Daniel 4:34

“Ne kegketapus te pitu he tuig, ne siak, si Nebucadnezar, midangep a ziyà te Megbevayà, ne zutun midlikù is meupiya he ked-isip-isip ku. Umbe midalig ku wey mibeǥayan ku te zengeg is Utew Lavew he Megbevayà he uuyag te wazà pidtemanan. Migkaǥi a te, ‘Is kedhadì din ne wazà pidtemanan.

Haggai 2:8

Egkehimu heini su is menge pelata wey menge vulawan, ne kediey man.

Deuteronomio 10:14

“Gaked te Nengazen he Megbevayè niw is langit, minsan is kinetikangan he langit, ragkes is kelibutan wey is langun he netaǥù kayi.

Deuteronomio 32:40

Guntaan ibayew ku is menge velad ku duma is kegkaǥi te, ‘Iring te uuyag a te wazà pidtemanan, ne kenà daan duwazuwa he egkemengaan ku is egkindab he ispada ku ne egemiten ku heini te kedsilut; ebelesan ku is menge kuntada ku wey edsukutan ku is ebpemendumut kediey.

Zatù 11:35

Ne hein naahà sikandin ni Jefta, mibindas din is bisti zin tenged te kegkeseeng din, ne ke sikandin te, “Anak ku, midhimu nu he utew a meseeng! Su nekepenangdù a ziyà te Nengazen he ibpemuhat ku ziyà te kandin is egkehuna he edsinuǥung kedì, ne kenè ku en heini egkevelvelewanan!”