Genesis 14:19 - Manobo Western Bukidnon OT

¹⁹ Mibpenubtuvazan din si Abram te egkaǥi te, “Berakat, Abram, he tuvazi ka te Utew Lavew he Megbevayà he nenlimbag te langit wey tanà.

Genesis 14:19 교차 참조

Genesis 14:22

Ne midtavak si Abram te, “Ebpenangdù a kayi te etuvangan te Nengazen, te Utew Lavew he Megbevayà he iyan nenlimbag te langit wey tanà.

Genesis 27:4

Ne hilutua nu kedì is utew ku egkesuati he keenen ne uwita nu kayi te kedì su egkeenen ku. Egkepasad dutun ne ebpenubtuvazan ku sikew te kenè e pa ebpatey.”

Genesis 47:10

Ne zutun, mibpenubtuvazan en maan ni Jacob haazà is hadì ne mid-ewaan din.

Genesis 47:7

Ne impeetuvang daan ni Jose is amey zin he si Jacob ne impekilala zin dutun te hadì, ne mibpenubtuvazan ni Jacob haazà is hadì.

Genesis 49:28

Iyan heini sikan is 12 he anak ni Jacob he menge tribu te Israel. Ne iyan haazà menge petizaan ni Jacob te kada sevaha kandan.

2 Samuel 2:5

midsuǥù sikandin diyà te ibpepenudtul ziyà te kandan he egkaǥi te, “Berakat he tuvazi kew te Nengazen te impeehè niw he zekelà is kedmahal niw ki Saul te egalen niw pinaaǥi te kedlevenga niw kandin.

1 Cronica 29:11

Gemhanan ka, telehuzen ka, dungganen wey ereg he edeliǥen. Su kenikew is langun diyà te langit wey zini te tanà. Iyan ka hadì, he Nengazen, wey lavew ka te langun.

2 Cronica 31:8

Hein naahà ni Hezekia wey te menge upisyal zin haazà is menge intambù, midalig dan is Nengazen wey is menge etew he menge Israilihanen.

Salmo 115:15

Berakat he tuvazi kew te Nengazen he midlimbag te langit wey te kelibutan.

Salmo 115:16

Gaked dà te Nengazen is langit piru imbeǥey zin mulà te menusiyà is kelibutan.

Salmo 24:1

Is kelibutan wey is langun he ed-ubpà kayi, ne gaked te Nengazen.

Salmo 50:10

Su kediey is langun he langgam: is menge langgam diyà te ketelunan, is menge vaka ziyà te linibu he menge vuvungan,

Micas 6:6

Mid-insà is sevaha zuen te menge Israilihanen te, “Hengkey is hustu he ibpemuhat ku ziyà te Nengazen, he Megbevayà diyà te langit, emun ed-ezapen ku sikandin? Ebpemuhat e ve te vaka he senge-tuig is keǥurang din he pemuhat he edtutungen?

Deuteronomio 10:14

“Gaked te Nengazen he Megbevayè niw is langit, minsan is kinetikangan he langit, ragkes is kelibutan wey is langun he netaǥù kayi.

Ruth 3:10

Migkaǥi si Boaz te, “Berakat he tuvazi ka, bayi, te Nengazen su pinaaǥi kayi te edhimuwen nu, utew pa zekelà is tavang nu ǥuntaan engki Naomi kenà duen te nehuna. Ne wazè ka zaan mebpeelima te menguhed he maama he sepian wey minsan kenà sepian.

1 Samuel 15:13

Mibeyaan ni Samuel si Saul. Ne hein neked-ehè dan, migkeǥiyan ni Saul te, “Deyzey ke tuvazi ka te Nengazen! Su midtuman ku is menge suǥù din.”