Genesis 14:15 - Manobo Western Bukidnon OT

¹⁵ Ne hein mezukilem, mibahin ni Abram te dezuwa he grupu is menge sundaru zin. Ne zutun midsurung dan is menge kuntada zan, ne nezaag dan heini. Ne haazà is menge kuntada zan ne mibpemelaǥuy midal-as eni Abram taman te inged he Hoba, he ziyà te zapit te egkezizaya te inged he Damascus.

Genesis 14:15 교차 참조

Genesis 15:2

Ne midtavak dutun si Abram te, “Sikew is Nengazen he Megbevayà, wazà igkeveǥey nu kediey he ibmeupiya te ǥehinawa ku su kenè bes egkehimu he egkevuwad a, ne iyan ebpekepengevilin te menge azen ku si Eliezer he tig-Damascus.”

1 Hadì 15:18

Mibpenguwa ni Asa is langun he pelata wey vulawan he nesamà diyà te menge budiga zuen te valey te Nengazen wey ziyà te turuǥan din. Ne insarig din heini te menge upisyal zin, ne insuǥù din he uwita haazà diyà te ki Hadì Ben Hadad diyà te Aram he ziyà ed-ubpà te Damascus. Si Ben Hadad anak ni Tabrimon wey apù ni Hezion.

Salmo 112:5

Edtuvazan is etew he kelelaǥan, wey ibpesambey zin is duma, wey kenè din ibpeiseg is kegketiǥayun din pinaaǥi te limbung.

Isaias 17:1

Heini he menge lalag mehitenged te Damascus: “Pemineg kew! Kenè en maan inged is Damascus su egkevengkag heini.

Isaias 7:8

Su is Damascus iyan dà kepital te Aram, ne si Rezin, diyè dà sikandin midhadì te Damascus. Ne is Samaria iyan dà kepital te Israel, ne si Peka he anak ni Remalia ziyè dà sikandin midhadì te Samaria. Egkezeeten is Israel seled te 65 he tuig, umbe kenè ne heini egketawag he sevaha he nasyun. Emun kenà melig-en is kedtuu niw ne egkezeetan kew iyan.’ ”

Jeremias 49:23

Iyan heini menge lalag mehitenged te Damascus: “Netingkemed is menge tig-Hamat wey menge tig-Arpad te mezaat he tudtul he nezineg dan. Neliveǥan sikandan wey kenà ebpekehulenà is ked-isip-isip dan; neiring dan te ebpemaǥel he zaǥat.

Ezekiel 27:18

“ ‘Mibpetiǥayun daan diyà te kenikew is tig-Damascus su mahabet is ketiǥeyunan nu wey menge pruduktu. Is inliwè dan te velegyè nu binu he ebpuun diyà te Helbon wey welin he ebpuun diyà te Zahar.

Ezekiel 47:16

pehendiyà te Berota, pehendiyà te Sibraim he ziyà te dulunà te Damascus wey Hamat, taman te Hazer Haticon he ziyà te zulunà te Hauran.

Deuteronomio 15:2

Iyan heini veeli niw: kinahanglan he kenè en edsukuten te mibpeutang is utang te zuma zin he Israilihanen. Kenè din en edsukuten su neume en is timpu he midtelaan te Nengazen te ked-ewaa te menge utang.

Zatù 7:16

Mibahin din te tetelu he grupu sikan is 300 he menge etew zin, ne mibeǥayan din is kada sevaha kandan te vudyung wey tivud he zuen sulù diyà te seled din.