Genesis 14:1 - Manobo Western Bukidnon OT

¹ Ne iyan haazà timpu he iyan si Hadì Amrafel he hadì te Shinar, si Hadì Arioc he hadì te Elasar, si Hadì Kedorlaomer he hadì te Elam, wey si Hadì Tidal he hadì te Goyim.

Genesis 14:1 교차 참조

Genesis 10:10

Iyan menge zekelà he inged diyà te ǥinhedian din is Babilonia, is Erec, wey is Acad, he menge inged diyà te tanà he sakup te Shinar.

Genesis 10:22

Is menge anak ni Shem he menge maama iyan si Elam, si Ashur, si Arfaxad, si Lud, wey si Aram.

Genesis 11:2

Ne zutun te kedhalinhalin te menge etew pehendiyà te zapit te edsilaan, neehè dan is meluag he menge suǥud diyà te Shinar, ne zutun dan med-ubpà.

Genesis 14:9

ne nekidtebek dan ki Hadì Kedorlaomer he hadì te Elam, ki Hadì Tidal he hadì te Goyim, ki Hadì Amrafel he hadì te Shinar, wey ki Hadì Arioc he hadì te Elasar. Heepat he hadì is edtebeken te lelima.

Isaias 11:11

Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.

Isaias 21:2

Nekelawas a te mekahandekhandek mehitenged te kedluib wey kebpendezaat. Sikiyu is menge tig-Elam wey menge tig-Media, liǥuwi niw is Babilonia ne surunga niw. Edhimesazen te Megbevayà is kebpeentusa zin te zuma he menge nasyun.

Isaias 22:6

Nenurung is menge sundaru he tig-Elam he ebpemen-untud te menge kudà he zuen dan menge panà. Is menge sundaru ziyà te Kir nenurung daan he zuen dan egewazan he menge kelasag.

Isaias 37:12

Mibpendezeetan dengan te menge kepuun ku is menge inged he Gosan, Haran, Resef, wey is menge etew ziyà te Eden he ziyà te Telasar. Ne wazà mekelibri kandan is menge ed-ezapen dan?

Jeremias 25:25

Zimri, Elam, Media,

Ezekiel 32:24

“Dutun daan is hadì te Elam. Neliǥuy is leveng din te menge leveng te menge etew zin. Pudu sikandan minatey te tebek. Nenaug sikandan diyà te lugar te menge minatey duma zuen te zuma he wazà medtuu te Megbevayà. Hein uuyag dan pa igkikinehendekà sikandan te menge etew. Piru ǥuntaan nepeel-elezan sikandan duma zuen te nemematey.

Daniel 1:2

Mibihag din si Hadì Jehoyakim su iyan heeyan egkesuatan te Nengazen he mehitavu. Mibpenguwa zin is duma he menge azen diyà te valey te Megbevayà ne mid-uwit din diyà te Babilonia. Ne intaǥù din haazà diyà te teleǥuey te ketiǥeyunan diyà te valey he ed-ezapan te kandin he ed-ezapen.

Daniel 8:2

Dutun te kebpekelawas ku neehè ku he edhitindeg a ziyà te kilid te Wahig he Ulai he ziyà te miberengbeng he inged he iyan is Susa he ziyà te prubinsya he Elam.

Zacarias 5:11

Midtavak sikandin te, “Ziyà te Babilonia he zutun ebengunen is simbahan he para kayi. Emun egkepasad en is simbahan, ne ibpelastar zutun heeyan is revan su para ed-ezapen.”

Josue 12:23

hadì te Dor (diyà te Nafat Dor) hadì te Goim (diyà te Gilgal)