Genesis 12:15 - Manobo Western Bukidnon OT

¹⁵ Ne is menge upisyal te hadì te Ehipto, hein neehè dan si Sarai, midtudtulan dan is hadì te utew mekempet sikandin he vahi ne mid-uwit si Sarai ziyà te turuǥan.

Genesis 12:15 교차 참조

Genesis 12:14

Ne hein nekeuma ensi Abram diyà te Ehipto, naahà iyan te menge Ehiptohanen he utew mekempet he vahi si Sarai.

Genesis 20:2

Hein dutun dan en, ne migkeǥiyan din is menge etew he etevey zin si Sara. Umbe impaangey ni Hadì Abimelec he hadì te Gerar si Sara su ed-esewaan din.

Genesis 26:7

Mekempet si Rebeka, umbe emun ebpenginsà haazà is menge tig-Gerar ziyà te ki Isaac mehitenged te esawa zin, ne edtevaken din te etevey zin si Rebeka. Egkahandek sikandin he egkaǥi he esawa zin, su kela ke himetayi zan sikandin para maaǥew zan si Rebeka.

Genesis 41:1

Ne hein midlavey en is dezuwa he tuig ne neketeǥeinep is hadì te Ehipto he edhithitindeg sikandin diyà te veyvey te Wahig he Nilo.

1 Hadì 3:1

Pinaaǥi te kebpengesawa ni Solomon te anak te Faraon, he hadì te Ehipto, nehimu sikandin he zumezapig kayi he nasyun. Mid-uwit din is esawa zin ne ziyè din dèpa ipeubpà te Inged ni David taman te nepasad is kebenguna te turuǥan din, baley te Nengazen, wey is menge verengbeng peliǥuy te Jerusalem.

2 Hadì 18:21

Iyan be is Ehipto? Heini he nasyun wey is hadì duen, iring dà te nevadtì he tuked he emun idtutuked nu ne ebpekepalì te belad nu.

Salmo 105:4

Sarig kew te Nengazen wey te zesen din. Layun kew zangep diyà te kandin.

Exodus 2:15

Hein nezineg te hadì te Ehipto haazà is mibeelan ni Moises, ebpen-ahaan din te paaǥi he mepatey zin si Moises, piru mibpelaǥuy si Moises diyà te Midian ne zutun med-ubpà. Ne zutun te kebpekeuma zin, mibpinuu sikandin diyà te uvey te kalut.

Exodus 2:5

Ne midhendutun te Wahig he Nilo haazà is bahi he anak te hadì te Ehipto su ebpemeziǥù. Ne hein ebpemenhiphipanew zuen te veyvey is menge suluǥuen din, neehè din sikan is teleǥuey he insavuk duen te vereesen dutun te ebpemeziǥù en sikandin, ne impekuwa zin haazà te vahi he uripen din.

Erubasa 29:12

Emun ebpemineg is pengulu te tarù he menge tudtul, ne egkehimu he lalung is langun he menge upisyal zin.

Erubasa 6:29

Ne iring din ded daan is maama he egkevut te vahi he zuen din en esawa su kenà ebpeseyluwen, kekenà, edsilutan sikandin.

Jeremias 25:19

Impeinum ku zaan is Faraon he hadì te Ehipto, is menge upisyal zin, menge pengulu wey is langun he menge etew zin,

Jeremias 46:17

Ne emun diyè dan en, ke sikandan te, ‘Is Faraon he hadì te Ehipto tekew en melambù is menge lalag din, piru ibpelavey zin is kebpekepebur zin.’

Ezekiel 32:2

“Sikew is etew, penhulùhulù ka mehitenged te Faraon he hadì te Ehipto. Ne keǥiya nu heini ziyà te kandin: Mid-isip nu he iring ka te erimaung he ibpedleleyunè din dà te edhipanew is menge nasyun. Piru iyan benar is iring ke zà te vuaya he ed-en-enunung diyà te wahig nu. Edsimbeǥen nu te paa nu is wahig ne egkeleveg heini.