Ezra 9:9 - Manobo Western Bukidnon OT

⁹ Minsan menge uripen key, ne wazè key kenikew vey-ani zutun he kebpekesavuk, kekenà, ibpeehè nu kenami is gaǥew nu pinaaǥi te kebpurungi kenami te hadì te Persia. Mibeelan nu heini su wey key kenikew meveǥayi te veǥu he untung, ne wey zey meuman mevangun is nerundus he valey nu, ne wey key kenikew mepengelangi kayi te Juda wey Jerusalem.

Ezra 9:9 교차 참조

Zacarias 2:5

Su migkaǥi is Nengazen he iyan mismu sikandin egkehimu he verengbeng he hapuy he ebpekeliǥuy te inged he Jerusalem, ne iyan sikandin egkehimu he ǥehem kayi te inged.”

Haggai 1:9

Migkaǥi pa is Nengazen he Mekeǥeǥehem te, “Dekelà is ebperetengen niw he sebpet piru zeisey zà is neraǥun niw. Ne zutun te ked-ulia niw kayi midezeetan ku heini. Mibeelan ku heini tenged te neregdas en is baley ku piru is kada sevaha keniyu mulà, ne egkevuhetanan te kedterebahu ziyà te kandin mismu he valey.

Daniel 9:25

“Kinahanglan he egketuenan nu wey egkesavut nu he puun te timpu te kebmandù ku he ed-umanan ebenguna is Jerusalem taman te kebpekeuma te pengulu he pinilì te Megbevayà, ne edlavey is 49 he tuig. Ne seled te 434 he tuig ed-umanan ebenguna is Jerusalem he zuen din menge pelasa wey pengalang. Ne timpu haazà te kesamuk.

Ezekiel 11:16

“Umbe keǥiyi nu is menge zuma nu he vinihag he siak, is Nengazen he MEGBEVAYÀ, migkaǥi a te, ‘Minsan impevihag ku sikiyu wey impeyapat ku ziyà te zuma he menge nasyun, ebpekiduma a ǥihapun keniyu keniyan he menge lugar.

Isaias 5:5

“Guntaan egkeǥiyan ku sikiyu ke hengkey is ebeelan ku zutun te pemuleey ku. Id-awè ku is menge nenuvù diyà te nekeliǥuy kayi he iyan nehimu he kudal zin, wey ebengkaǥen ku is menge alad kayi su para penebtavà heini te menge langgam ne wey zan daan metekutaki.

Isaias 5:2

Mid-eradu zin heini wey mibpen-awè din is menge vatu zuen, ne mibpemulaan din te utew meupiya he menge paras. Mibaal sikandin te ubpeey te ebantey ziyà te teliwazà kayi te pemuleey, ne mibpevudsiyan din is batu he para egkeresan te paras. Midtaǥad sikandin he mebeǥas heini te meemis, piru mibeǥas heini te mepezes.

Ezra 7:8

Mibpuun si Ezra ziyà te Babilonia hein nehuna he andew te nehuna he vulan. Ne tenged te tavang te Megbevayà kandin, nekeuma sikandin diyà te Jerusalem te nehuna he andew te ikelima he vulan dutun te ikepitu he tuig te kedhadì ni Artaserkses.

Ezra 9:10

“Iyan, guntaan te nekesalè key, Megbevayè dey, henduen be te wazè dey en egkekaǥi. Su mibpekahagkap dey is menge suǥù nu

Salmo 109:12

Ne emun ebpatey en sikandin ne verakat he wazà mehizu kandin wey te egkeilu he menge anak din.

Salmo 138:7

Minsan utew a edlised, ne wazè nu ituǥut he mebpatey a. Midsilutan nu is utew egkengepauk he menge kuntada ku. Ne midlibri a kenikew pinaaǥi te ǥehem nu.

Isaias 14:3

Sikiyu is menge tig-Israel, dutun te timpu te kebpehimelaya keniyu te Nengazen te menge ked-antus, kelised, wey kegkeuripen,

Ezra 2:68

Hein nekeuma zan diyà te valey te Nengazen diyà te Jerusalem, is duma he menge pengulu te menge pemilya mibeǥey te tavang he puun te keugelingen dan he suat he para te ked-umana kebenguna zuen te valey te Nengazen diyà te mibengunan ded duen hein aney.

Nehemias 2:17

Iyan, dutun he timpu, migkaǥi a ziyà te kandan te, “Neehè niw is mekehizuhizu he kebpekesavuk te inged tew. Nevengkag is Jerusalem wey neepur is menge pultahan din. Ed-umanan tew ebenguna is menge verengbeng te Jerusalem su wey kiw kenè en mepeelimungawi.”

Nehemias 9:17

Kenè dan egkesuat he ebpemineg te menge lalag nu, ne midlipatan dan dà is egkengein-inuwan he mibeelan nu ziyà te kandan. Nehimu sikandan he mesinupaken, wey nekidsukulà sikandan kenikew pinaaǥi te kebpilì te pengulu he ebpelikù kandan diyà te kegkeuripen diyà te Ehipto. Piru mepineseyluwen ka he Megbevayà, beliǥeǥawen ka, iipengen ka, kenè ka pepeuken, wey nepenù ka te kebmahal. Umbe wazà nu sikandan iselikwey.

Isaias 61:4

Ed-umanan dan ebenguna is menge inged dan he neuǥet en he nevengkag.